માત્ર 50 ગ્રામ વજન વધારે હોવાથી વિનેશ ફોગાટ પેરિસ ઓલિમ્પિકમાં અયોગ્ય જાહેર : સિલ્વર મેડલ પણ નહીં મળે

પેરિસ ઓલમ્પિકમાં ભારતને અત્યારસુધીમાં એક પણ ગોલ્ડ મેડલ મળ્યો નથી. ત્યારે આજે ભારતના રેસલર વીનેશ ફોગટ પાસેથી ગોલ્ડની લોકોને અપેક્ષા હતી ત્યારે તેના ફેનલ મેચ પહેલા જ ભારત અને વીનેશને મોટો જાતકો લાગ્યો છે. પેરિસ ઓલિમ્પિક 2024માં મહિલા કુશ્તી 50 કિગ્રા ઈવેન્ટની ફાઈનલ મેચ પહેલા રેસલર વિનેશ ફોગાટને વધારે વજનના કારણે તેને ફાઈનલ પહેલા અયોગ્ય જાહેર કરવામાં આવીછે. મંગળવારે, તેણીએ સેમિફાઇનલમાં ક્યુબાની લોપેઝ ગુઝમેનને 5-0થી હાર આપી હતી. તે ઓલિમ્પિકની ફાઇનલમાં પહોંચનારી પ્રથમ મહિલા રેસલર બની હતી.

શું છે મામલો ?

ઇન્ડિયન ઓલિમ્પિક એસોસિએશન (IOA) એ આ વાતની પુષ્ટિ કરી છે અને કહ્યું છે કે વિનેશ ફોગાટ વધુ વજનના કારણે ગેરલાયક ઠર્યા છે. એસોસિએશને કહ્યું, “ભારતીય દળને એ વાતનું દુ:ખ છે કે વિનેશ ફોગાટને મહિલા કુશ્તીની 50 કિગ્રા વર્ગમાંથી અયોગ્ય ઠેરવવામાં આવી છે. ટીમ દ્વારા રાતોરાત શ્રેષ્ઠ પ્રયાસો કરવા છતાં, આજે સવારે તેનું વજન માત્ર 50 કિગ્રાથી વધુ હતું. આ સમયે ટીમની ટિપ્પણી ભારતીય ટીમ તમને વિનેશની ગોપનીયતાનું સન્માન કરવા વિનંતી કરે છે.

વિનેશે સેમિફાઇનલમાં જીત મેળવી હતી

મંગળવારે રમાયેલી મેચમાં વિનેશ પ્રથમ રાઉન્ડ સુધી 1-0થી આગળ હતી. પછી છેલ્લી ત્રણ મિનિટમાં, તેણીએ ક્યુબાની કુસ્તીબાજ પર ડબલ લેગ એટેક કર્યો અને ચાર પોઈન્ટ મેળવ્યા. તેણે આ લીડને અંત સુધી જાળવી રાખી હતી અને ફાઇનલમાં જગ્યા બનાવી હતી. આ ઓલિમ્પિકમાં વિનેશની સફર શાનદાર રહી છે. સેમિફાઇનલ પહેલા, તેણીએ ક્વાર્ટર ફાઇનલમાં યુક્રેનની લિવાચ ઉક્સાનાને 7-5થી હરાવ્યું હતું.

ફાઇનલમાં આ અમેરિકન રેસલર સાથે મુકાબલો કરવાનો હતો

ફાઇનલમાં વિનેશનો મુકાબલો અમેરિકાની સારાહ એન હિલ્ડેબ્રાન્ડ સામે થવાની હતી. આ અમેરિકન રેસલરે ટોક્યો ઓલિમ્પિકમાં બ્રોન્ઝ મેડલ જીત્યો હતો. તેણે વર્લ્ડ ચેમ્પિયનશિપમાં બે સિલ્વર અને બે બ્રોન્ઝ મેડલ પણ જીત્યા છે. આ મેચ મોડી રાત્રે 12:30 વાગ્યે (8 ઓગસ્ટ) રમાશે.

માતાને ગોલ્ડ જીતવાનું વચન આપ્યું હતું

ફાઇનલમાં ક્વોલિફાય થયા બાદ વિનેશે તેની માતા સાથે વીડિયો કોલ દ્વારા વાત કરી હતી. વિનેશે તેની માતા અને પરિવાર સાથે વાત કરતાં ગોલ્ડ મેડલ જીતવાનું વચન આપ્યું હતું. જોકે હવે તે આ સ્પર્ધામાંથી બહાર થઈ ગઈ છે.