ગરદન પર બોલ વાગતાં જ IPLનો સ્ટાર હોસ્પિટલમાં દાખલ
પ્રેક્ટિસ દરમિયાન બનેલી ઘટના
ક્રિકેટની રમત જોવામાં અને રમવામાં જેટલી મજેદાર છે એટલી જ ખતરનાક પણ છે. આ રમતમાં ખેલાડીઓ અનેક વખત ઈજાગ્રસ્ત પણ થાય છે. આવું જ કંઈક આઈપીએલમાં ફટાફટ બેટિંગ કરનારા અફઘાનિસ્તાનના સ્ટાર બેટર રહમનુલ્લાહ ગુરબાજ સાથે બન્યું છે. તેને ગરદન પર બોલ વાગતાં હોસ્પિટલમાં દાખલ કરાયો છે.
શપગીઝા ક્રિકેટ લીગમાં પ્રેક્ટિસ દરમિયાન ગુરબાજને ગરદનમાં બોલ વાગ્યો હતો. આ પછી તેને હોસ્પિટલે ખસેડાયો હતો. અત્યારે તેની તબિયત સ્થિર છે.
ઉલ્લેખનીય છે કે ટી-૨૦ વર્લ્ડકપ ૨૦૨૪માં ગુરબાજે અત્યંત શાનદાર પ્રદર્શન કર્યું હતું. તે ટૂર્નામેન્ટમાં સૌથી વધુ રન બનાવનારો બેટર બન્યો હતો. તેણે ૮ મેચની ૮ ઈનિંગમાં ૨૮૧ રન બનાવ્યા હતા જેમાં ત્રણ ફિફટી સામેલ હતી.
