ઑસ્ટે્રલિયન બોલરે ૪ દડામાં ખેડવી ૪ વિકેટ
ઑસ્ટે્રલિયમાં રમાઈ રહેલી બીગબેશ લીગ-૨૦૨૩માં મેલબર્ન સ્ટાર્સ અને સિડની થંડર વચ્ચે મુકાબલો રમાયો હતો. આ મેચમાં સિડની થંડરનું પ્રતિનિધિત્વ કરી રહેલા ડેનિયલ સેમ્સે તરખાટ મચાવી દીધીો હતો.
તેણે પોતાની ૪ ઓવરના સ્પેલમાં માત્ર ૩૩ રન આપીને ૪ વિકેટ ખેડવી હતી. સૈમ્સે સેટ બેટર બીયુ વેબસ્ટર, ટૉમ રોજર્સ, ઓસામા મીર અને લિયામ ડૉસનને આઉટ કર્યા હતા. મેલબર્નની ઈનિંગની અંતિમ ઓવર સેમ્સે ફેંકી હતી. તેણે ઓવરના અંતિમ ચાર દડામાં ચાર વિકેટ મેળવી હતી. જો કે માર્ક સ્ટેકેટી રનઆઉટ થયો હોવાથી ડેનિયલ પોતાની હેટ્રિક પૂરી કરી શક્યો ન્હોતો.
ડેનિયલે પોતાના આઈપીએલ કરિયરમાં અત્યાર સુધી દિલ્હી કેપિટલ્સ, મુંબઈ ઈન્ડિયન્સ અને લખનૌ સુપરજાયન્ટસ વતી મેચ રમી છે. તેણે આઈપીએલના ૧૬ મુકાબલામાં ૧૪ વિકેટ પોતાના નામે કરી છે. જો કે આ વખતે થયેલી હરાજીમાં તેને કોઈએ ખરીદ્યો નથી. સેમ્સે પોતાની બેઝ પ્રાઈસ દોઢ કરોડ રાખી હતી.
