મોહમ્મદ શમીએ `મસીહા’ બનીને બચાવ્યો યુવકનો જીવ
ભારતીય ક્રિકેટ ટીમના અનુભવી અને ફાસ્ટ બોલર મોહમ્મદ શમીએ ઑન ફિલ્ડ તો સૌના દિલ જીતી જ લીધા સાથે સાથે હવે તેણે એક એવું કામ કર્યું છે જેના ભરપેટ વખાણ થઈ રહ્યા છે. શમીએ એક યુવકનો જીવ બચાવ્યો છે. શમી સામે એક ભયંકર કાર અકસ્માત થયો હતો. તેના સામે એક કાર ખાડામાં પડી હતી જે જોઈને શમી તુરંત દોડી ગયો હતો અને યુવકને હેમખેમ બહાર કાઢ્યો હતો. શમીએ આ વીડિયો સોશ્યલ મીડિયા પર શેયર કર્યો છે. વીડિયોમાં જોવા મળી રહ્યું છે કે કેવી રીતે એક કાર રોડ પરથી ઉતરીને પલટી ખાઈ ગયેલી છે. શમી ખુદ ત્યાં જાય છે અને એ શખ્સને કારમાંથી બહાર કાઢે છે. આ પછી યુવકને ચેક પણ કરે છે. શમીએ વીડિયોના કેપ્શનમાં લખ્યું કે આ યુવક ઘણો ભાગ્યશાળી છે અને ભગવાને તેને બીજું જીવન આપ્યું છે.
