પિંક બોલ સામે લાચાર ભારતનો ઓસ્ટ્રેલિયા સામે શરમજનક પરાજય

5 મેચની સીરિઝમાં ઓસ્ટ્રેલિયાએ 1 – 1થી બરાબરી કરી કરી છે.

પહેલો ટેસ્ટ જીત્યા પછી હવે ભારતે ઓસ્ટ્રેલિયા સામે ટેસ્ટ મેચમાં પરાજયનો સ્વાદ ચાખવો પડ્યો છે. ઓસ્ટ્રેલિયન ક્રિકેટ ટીમે એડિલેટમાં રમાયેલા બીજા ટેસ્ટ મેચમાં ભારતને 10 વિકેટથી હરાવ્યું છે. આ જીત સાથે જ કાંગારુ ટીમે સીરિઝમાં વાપસી કરી છે અને 5 મેચની સીરિઝને હાલ 1 – 1 થી બરાબરી કરી છે.

ભારતીય કેપ્ટન રોહિત શર્મા એ ટોસ જીત પ્રથમ બેટિંગ કરવાનો નિર્ણય લીધો હતો. પ્રથમ બેટિંગ કરતા ટીમ ઈન્ડિયાએ 180 રન બનાવ્યા હતા. તો ઓસ્ટ્રેલિયા ટીમે પોતાની પ્રથમ બેટિંગમાં 337 રન બનાવ્યા અને 157 રનની બઢત મેળવી હતી.

ટીમ ઈન્ડિયાએ બીજી બેટિંગમાં 175 રન પર સમેટાઇ ગઇ અને રોહિત એન્ડ કંપની 18 રનની બઢત હાંસલ કરી શકી હતી. 19 રનના ટાર્ગેટને ઓસ્ટ્રેલિયાની ટીમે એક પણ વિકેટ ગુમાવ્યા વગર હાંસલ કરી લીધો. ઉસ્માન ખ્વાજા 9 રન અને મેકસ્વીની 10 રન બનાવી નોટ આઉટ રહ્યા હતા. ટેસ્ટ મેચ સીરિઝનો બીજો મુકાબલો બ્રિસ્બેનમાં 14 ડિસેમ્બરે રમાશે. પ્રથમ ટેસ્ટ મેચ ભારતીય ટીમે 295 રન બનાવી પોતાના નામે કરી હતી.

આ મેચમાં ટ્રેવિસ હેડ હાફ સેન્ચ્યુરી અને પેટ કમિન્સે બીજી શાનદાર બટિંગ કરી હતી. પ્રથમ બેટિંગમાં 6 વિકેટ મિચેલ સ્ટાર્કે ઝડપ્યા હતા. ભારત તરફથી એક પણ ખેલાડી હાફ સેન્ચ્યુરી પણ ફટકારી શક્યો નથી. હેડ ને પ્લેટર ઓફ ધ મેચ એવોર્ડ મળ્યો છે.

હાલ ભારત વિ ઓસ્ટ્રેલિયા ટેસ્ટ સીરિઝ 1-1ની બરાબરીમાં છે. 5 મેચની બોર્ડર ગાવસ્કર ટ્રોફી બે મેચ બાદ 1 – 1 બરાબર છે. પર્થમાં ભારતને અને એડિલેટમાં ઓસ્ટ્રેલિયા એ ટેસ્ટ મેચ જીતી છે.

ભારતની હારના કારણો

-આ ટેસ્ટમાં નિયમિત કેપ્ટન રોહિત શર્માની વાપસી થઈ ગઈ, પરંતુ રોહિતે મિડલ ઓર્ડરમાં રમવાનો નિર્ણય કર્યો. રોહિત સંપૂર્ણ ફ્લોપ રહ્યો. તે પ્રથમ દાવમાં 6 રન અને બીજી ઈનિંગમાં 3 રન બનાવી શક્યો. જો રોહિત ઓપનિંગ કરવા આવ્યો હોત અને મિચેલ સ્ટાર્ક-પેટ કમિન્સ જેવા બોલરો સામે આક્રમક બેટિંગ કરી હોત તો મેચનું પરિણામ અલગ આવી શક્યું હોત.

-આ ટેસ્ટની બંને ઇનિંગ્સમાં ભારતીય બેટ્સમેનોએ રન બનાવવાનો પ્રયાસ જ કર્યો નહોતો. જો આપણે ઓસ્ટ્રેલિયા અને ભારતના બેટ્સમેનોની તુલના કરીએ તો તફાવત સરળતાથી દેખાશે. ટ્રેવિસ હેડે ઝડપથી રન બનાવી સદી ફટકારી હતી. આ સાથે જ ભારતીય બેટ્સમેનો થોડા વધુ ડિફેન્સિવ દેખાયા હતા. નીતિશ કુમાર રેડ્ડી મુક્તપણે રમ્યો અને બંને દાવમાં ભારત માટે સૌથી વધુ રન બનાવનાર ખેલાડી હતો. જ્યારે અન્ય કોઈ ભારતીય બેટ્સમેને તેમના જેવો અભિગમ દાખવ્યો નહીં.

-આ ટેસ્ટમાં ભારતીય બોલરો પણ અપેક્ષા મુજબનું પ્રદર્શન કરી શક્યા ન હતા. બોલરો તેમની વ્યૂહરચના મુજબ બોલિંગ કરી શક્યા ન હતા તે સ્પષ્ટ દેખાઈ રહ્યું હતું. એક તરફ, ઓસ્ટ્રેલિયન બોલરોએ મોટાભાગે ભારતીય બેટ્સમેનોને બોલ ખાલી કઢાવવાનો પ્રયાસ કર્યો હતો, તો બીજી તરફ, ભારતીય બોલરો મોટે ભાગે આઉટર લાઇન પર બોલિંગ કરતા જોવા મળ્યા હતા. પર્થમાં બોલરોની યોજના તદ્દન અલગ હતી, પરંતુ એડિલેડમાં તેઓ બિનઅસરકારક દેખાયા હતા.

-ભારતની હારનું કારણ નબળી ફિલ્ડિંગ પણ હતી. ઑસ્ટ્રેલિયાના ટૉપ સ્કોરર ટ્રેવિસ હેડ (140 રન)નો મોહમ્મદ સિરાજે કેચ છોડ્યો હતો. આ સિવાય પણ ભારતીય ફિલ્ડરોએ ઘણી ભૂલો કરી હતી.

WTC ફાઈનલ : ટોપ-૨માંથી ભારત બહાર ફેંકાયુ

એડીલેડ ટેસ્ટનાં પરાજય પછી ભારત વર્લ્ડ ટેસ્ટ ચેમ્પિયનશિપમાં પોઈન્ટ ટેબલમાં નીચે સરકી ગયુ છે. ભારત ટોપ-૨માંથી બહાર થઇ ગયું છે અને ઓસ્ટ્રેલીયા ફરીથી ટોપ ઉપર પહોંચી ગયું છે.

ઓસ્ટ્રેલીયા ૧૦૨ પોઈન્ટ અને ૬૦.૭૧ જીતની ટકાવારી સાથે પહેલા સ્થાને છે..ભારત ૫૭.૨૯ ટકાવારી સાથે ત્રીજા સ્થાને છે. જયારે દક્ષીણ આફ્રિકા ૫૯.૨૬ ટકાવારી સાથે બીજા નંબરે યથાવત છે. ચેમ્પિયનશિપ માટે ફાઈનલની રેસ હવે રોમાંચક થઇ ગઈ છે. ઇંગ્લેન્ડ સામે હારીને ન્યુઝીલેન્ડ આ સ્પર્ધામાંથી બહાર ફેંકાઈ ગયું છે. હવે ઓસ્ટ્રેલીયા, ભારત, શ્રીલંકા અને દક્ષિણ આફ્રિકા રેસમાં છે.

પાકિસ્તાને આફ્રિકા સામે બે ટેસ્ટ રમવાના છે અને જો પાકિસ્તાન બંને ટેસ્ટ જીતે તો ભારત ફાઈનલમાં પહોંચી શકે તેમ છે. અથવા ઓસ્ટ્રેલીયા સામેના બાકીના ટેસ્ટ ભારત જીતે તે જરૂરી છે.