GT VS DC : દિલધડક મેચમાં દિલ્હીની જીત, પંતે રમ્યો ધોનીનો સિગ્નેચર હેલિકોપ્ટર શોટ
ગુજરાત ટાઈટન્સ અને દિલ્હી કેપિટલ્સ વચ્ચે 24 એપ્રિલના રોજ આઇપીએલની 40મી મેચ રમાઈ હતી. આ દિલધડક મેચમાં દિલ્હી કેપિટન્સની જીત થઈ હતી. રિષભ પંતે IPLમાં ગુજરાત ટાઇટન્સ સામેની રોમાંચક જીતમાં દિલ્હી કેપિટલ્સ માટે અણનમ 88 રનની ઇનિંગ રમી હતી. આ સાથે ટી-20 વર્લ્ડ કપ 2024ની ટીમમાં પસંદગી માટેનો તેમનો દાવો પણ મજબૂત બન્યો છે. પંતની વિનાશક ઇનિંગ્સના આધારે દિલ્હીએ 4 વિકેટ ગુમાવીને 224 રન બનાવ્યા હતા, જ્યારે પાવર પ્લે દરમિયાન તેની 3 વિકેટ 44 રનમાં પડી ગઈ હતી.
અક્ષર પટેલ સાથે, પંતે 113 રનની મહત્વપૂર્ણ ભાગીદારી કરી, જેણે ડીસીની વિશાળ જીતમાં મહત્વની ભૂમિકા ભજવી. પટેલે 66 રનની ઝડપી ઈનિંગ રમીને કેપિટલ્સને મજબૂત સ્કોર સુધી લઈ જવામાં મહત્વની ભૂમિકા ભજવી હતી. છેલ્લી ક્ષણોમાં ડેવિડ મિલરના વિસ્ફોટક 55 અને રાશિદ ખાનના વિસ્ફોટક પ્રદર્શન છતાં દિલ્હીએ ગુજરાતને 8 વિકેટે 220 રન પર રોકી દીધું અને રોમાંચક મેચ 4 રને જીતી લીધી.
No Rishabh Pant fan will scroll without liking this tweet. ❤️ pic.twitter.com/ksKKw1pVpK
— anxnd (@slogg_sweep) April 24, 2024
આ દરમિયાન પંતે સિઝનની પોતાની ત્રીજી અડધી સદી જોરદાર રીતે પૂરી કરી અને છેલ્લી ઓવરમાં ઘણા એરિયલ શોટ ફટકાર્યા. રિષભ પંતે એમએસ ધોનીનો સિગ્નેચર હેલિકોપ્ટર શોટ રમ્યો હતો. ઇનિંગની 16મી ઓવરમાં મોહિત શર્મા બોલિંગ કરવા આવ્યો, પહેલા બોલ દરમિયાન મોહિતે ફુલ લેન્થ બોલ ફેંક્યો. આના પર પંતે એટલો જોરદાર હેલિકોપ્ટર શોટ માર્યો કે બોલ ડીપ મિડવિકેટ સ્ટેન્ડ પાર કરી ગયો.
રિષભ પંતે મોહિત શર્માની એક ઓવરમાં 31 રન બનાવ્યા, જેમાં 5 બોલમાં બાઉન્ડ્રી ફટકારવામાં આવી હતી. તેનો એક શોટ કેમેરામેનને વાગતા તેને ઈજા થઈ હતી. બોલ 6 રનમાં બાઉન્ડ્રીની બહાર ગયો, જ્યાં કેમેરામેન કવર કરી રહ્યો હતો. હવે પંતે મોટું દિલ બતાવીને કેમેરામેનની માફી માંગી છે. આ ક્ષણનો વીડિયો વાયરલ થઈ રહ્યો છે.
