ઈશાન કિશન સુધરતો જ નથી !
ઈશાન કિશનની રણજી ટ્રોફીમાં ગેરહાજરી યથાવત જ રહી છે. ઝારખંડ માટે ઘરેલું ક્રિકેટ રમનારા ઈશાને રણજી ટ્રોફીમાં ભાગ લીધો ન્હોતો. એલિટ ગ્રુપ `એ’માં ઝારખંડનો મુકાબલો રાજસ્થાન સામે થઈ રહ્યો છે જેમાં ઈશાન રમતો નથી. ઈશાન પાછલા વર્ષે આફ્રિકા પ્રવાસથી જ ગાયબ છે. તાજેતરમાં જ તે વડોદરામાં હાર્દિક પંડ્યા અને કૃણાલ પંડ્યા સાથે આઈપીએલ માટે પ્રેક્ટિસ કરતો જોવા મળ્યો હતો. હેડ કોચ રાહુલ દ્રવિડ સહિત ટીમ મેનેજમેન્ટ અને બીસીસીઆઈએ તેને ટીમમાં વાપસી માટે રણજી રમવાની સલાહ આપી હતી. જય શાહે પણ તાજેતરમાં સેન્ટ્રલ કોન્ટ્રાક્ટ ધરાવતા ખેલાડીઓને પણ ચેતવણી આપી હતી કે કોઈના પણ નખરા ચલાવી લેવાશે નહીં આમ છતાં ઈશાન કિશન કોઈ સુચનાનું પાલન કરી રહ્યો નથી.
