સાક્ષીભાભી બાદ હું પહેલી વ્યક્તિ છું જેને ધોનીએ ખભે ઉંચકી હતી: જાડેજા

ટીમ ઈન્ડિયાના ઑલરાઉન્ડર રવીન્દ્ર જાડેજાએ એ ક્ષણને યાદ કરી જ્યારે ધોનીએ તેને ઉંચકી લીધો હતો. જાડેજાએ ધોનીની મજાક કરતા કહ્યું કે કદાચ સાક્ષીભાભી બાદ તે પહેલી વ્યક્તિ હશે જેને ધોનીએ ગોદમાં ઉઠાવી લીધાો છે. જાડેજાની આ વાત સાંભળીને સૌ ખડખડાટ હસી પડ્યા હતા. ઉલ્લેખનીય છે કે ધોની મેદાન ઉપર પોતાના શાંત વ્યવહારને લઈને ઓળખાય છે અને બહુ ઓછી વખત એવું બન્યું છે જ્યારે તે પોતાની ભાવના વ્યક્ત કરતો હોય છે. જો કે પાછલા વર્ષે આઈપીએલના ફાઈનલ મેચ દરમિયાન એક એવું દૃશ્ય જોવા મળ્યું જે જોઈને સૌ આશ્ચર્યચકિત થઈ ગયા હતા. કેપ્ટન કુલના નામથી ઓળખાતાં ધોનીએ રવીન્દ્ર જાડેજાને ખભે ઉંચકી લીધો હતો. જાડેજાએ વિપરિત સ્થિતિ વચ્ચે ચેન્નાઈને ગુજરાત સામે ગત સીઝનના ફાઈનલમાં જીત અપાવી હતી.