પૂરનનું તોફાન: પહેલી ટી-૨૦માં આફ્રિકાને હરાવતું વેસ્ટ ઈન્ડિઝ

વિન્ડિઝે બ્રાયન લારા સ્ટેડિયમમાં સૌથી મોટો લક્ષ્યાંક પણ હાંસલ કર્યો
વેસ્ટ ઈન્ડિઝે બ્રાયન લારા સ્ટેડિયમમાં ટી-૨૦ ક્રિકેટનો સૌથી મોટો લક્ષ્યાંક હાંસલ કરીને આફ્રિકાને હરાવ્યું હતું. વિન્ડિઝની જીતનો હિરો નિકોલસ પૂરન રહ્યો હતો જેણે ૨૬ બોલમાં ૬૫ રન બનાવ્યા હતા. આફ્રિકાએ ટોસ હારીને પહેલાં બેટિંગ કરતાં સાત વિકેટે ૧૭૪ રન બનાવ્યા હતા. જવાબમાં વિન્ડિઝે ૧૩ બોલ બાકી રાખીને જ જીત હાંસલ કરી લીધી હતી. પૂરન ઉપરાંત ઓપનર શાઈ હોપે ૩૬ બોલમાં ૫૧ રનની ઈનિંગ રમી હતી. હવે શ્રેણીનો બીજો મુકાબલો આજે રાત્રે ૧૨ વાગ્યાથી રમાશે.
વિન્ડિઝને જીત માટે ૫૪ બોલમાં ૭૦ રનની જરૂર હતી ત્યારે ૧૨મી ઓવરમાં નાંદરે બર્ગરને આક્રમણ માટે લવાયો હતો. બર્ગરની બેફામ ધોલાઈ થતાં વિન્ડિઝની જીત નિશ્ચિત બની હતી અને વિન્ડિઝને મેચ જીતવા ૪૮ બોલમાં ૪૫ રનની જરૂર જ રહી હતી.
આફ્રિકા વતી પેટ્રિક ક્રૂગર અને ટ્રિસ્ટન સ્ટબ્સ (૪૨ બોલમાં ૭૬ રન) વચ્ચે છઠ્ઠી વિકેટ માટે ૫૦ બોલમાં ૭૧ રનની ભાગીદારી થઈ હતી. આ પહેલાં સ્ટબ્સ અને બ્ોર્ન ફોર્ટુઈન વચ્ચે ૨૫ બોલમાં ૬૦ રનની ભાગીદારી થઈ હતી.