પડ્ડીકલનું ડેબ્યુ’ને તૂટ્યો ૨૪ વર્ષનો રેકોર્ડ
ભારત-ઈંગ્લેન્ડ વચ્ચે ધર્મશાલામાં ટેસ્ટ મેચ રમાઈ રહી છે. આ મેચમાં બુમરાહની વાપસી થઈ છે તો આકાશ દીપને પડતો મુકાયો છે તો રજત પાટીદાર પ્રેક્ટિસ દરમિયાન ઈજાગ્રસ્ત થઈ જતાં તેના સ્થાને દેવદત્ત પડ્ડીકલને ડેબ્યુની તક મળી છે. આ સાથે જ તેણે ભારતીય ટીમમાં ઈતિહાસ રચી દીધો છે. પહેલી વખત એવું બન્યું છે જ્યારે ભારતીય ધરતી પર એક શ્રેણીમાં ભારતના પાંચ ખેલાડીએ ડેબ્યુ કર્યું છે. પડ્ડીકલ ઈંગ્લેન્ડ વિરુદ્ધ ટેસ્ટ શ્રેણીમાં ડેબ્યુ કરનારો પાંચમો ભારતીય ખેલાડી બની ગયો છે. અગાઉ આ શ્રેણીમાં રજત પાટીદાર, સરફરાઝ ખાન, ધ્રુવ જુરેલ અને આકાશદીપને પણ ડેબ્યુની તક મળી હતી. વર્ષ ૨૦૦૦માં ૪ ખેલાડીએ પોતાની ધરતી ઉપર એક જ શ્રેણીમાં ડેબ્યુ કર્યું હતું. વર્ષ ૨૦૦માં ભારત-આફ્રિકા વચ્ચે બે મેચની ટેસ્ટ શ્રેણી રમાઈ હતી. આ શ્રેણીમાં મુરલી કાર્તિક, વસીમ જાફર, મોહમ્મદ કૈફ અને નિખિલ ચોપડાને ડેબ્યુની તક મળી હતી.
