ડેવિસ કપમાં ભારતે પાકિસ્તાનને રગદોળ્યું

ડેવિસ કપમાં ભારતીય ટીમને પાકિસ્તાનને ૪-૦થી હરાવીને વર્લ્ડ ગ્રુપ-૧માં જગ્યા પાક્કી કરી લીધી છે. યુકી ભાંબરી અને સાકેત માઈનેનીએ ઈસ્લામાબાદમાં પોતાની આસાન જીત સાથે પ્લે ઓફ મુકાબલામાં ટીમને ૩-૦ની અજેય લીડ અપાવી હતી. આ પછી નિકી કાલિયાંદા પૂનાચાએ મેન્સ સિંગલ્સમાં શોયેબ મોહમ્મદને ૩-૬, ૪-૬થી હરાવ્યો હતો. ભારત પહેલાં દિવસે ૨-૦ની લીડ બનાવી ચૂક્યું હતું. બીજા દિવસે ભાંબરી અને માઈનેનીએ ડબલ્સ મુકાબલામાં મુઝમ્મીલ મુર્તઝા અને અકીલ ખાને ૬-૨, ૭-૬ (૫)થી હરાવ્યો અને ૩-૦ની અજેય લીડ મેળવીને મુકાબલો જીતી લીધો હતો.