ટેસ્ટ રેન્કીંગમાં ધ્રુવ જુરેલ-યશસ્વી-ગીલની બલ્લે બલ્લે

આઈસીસીએ ટેસ્ટ પ્લેયર્સનું તાજું રેન્કીંગ જાહેર કર્યું છે. ભારતના યુવા વિકેટકિપર ધ્રુવ જુરેલે બેટરોની યાદીમાં લાંબી છલાંગ લગાવી છે. તે રાંચી ટેસ્ટ બાદ ૩૧ સ્થાન ઉપર આવીને ૬૯મા ક્રમે પહોંચ્યો છે. આ ઉપરાંત યશસ્વી જયસ્વાલ અને શુભમન ગીલને પણ ફાયદો થયો છે. યશસ્વી તેના કરિયરના શ્રેષ્ઠ રેન્કીંગ ૧૨મા ક્રમે પહોંચ્યો છે. આ સિવાય શુભમન ગીલ ૩૧મા ક્રમે પહોંચ્યો છે. જો કે કેપ્ટન રોહિત શર્માએ એક સ્થાન અને વિરાટ કોહલીએ બે સ્થાનનું નુકસાન ખમવું પડ્યું છે. ટેસ્ટ રેન્કીંગમાં રુટ ચોથા ક્રમે પહોંચ્યો છષ તો રવીન્દ્ર જાડેજા પ્રથમ ક્રમે છે. બોલરોની યાદીમાં જસપ્રીત બુમરાહ ટોચ પર યથાવત છે.