ક્રિકેટ ઈતિહાસનો સૌથી શરમજનક પરાજય પાકિસ્તાનના નામે !
૧૪૭ વર્ષમાં પહેલી વખત કોઈ ટીમ ૫૦૦ રન બનાવ્યા છતાં હારી:
મુલતાન ટેસ્ટમાં ઈંગ્લેન્ડનો ઈનિંગ-૪૭ રને વિજય
ઑસ્ટે્રલિયા-ઈંગ્લેન્ડ વચ્ચે માર્ચ-૧૮૭૭માં પહેલી આંતરરાષ્ટ્રીય મેચ રમાઈ હતી જે ટેસ્ટ ફોર્મેટમાં હતી. આ મેચને ૧૪૭ વર્ષ થઈ ગયા છે. આ દરમિયાન અનેક વર્લ્ડ રેકોર્ડ બન્યા અને તેમાંથી અનેક પણ તૂટી ગયા છે પરંતુ ક્યારેય એવું નથી બન્યું કે કોઈ ટીમ પહેલી ઈનિંગમાં ૫૦૦થી વધુ રન બનાવ્યા બાદ પણ હારી ગઈ હોય. જો કે આ શરમજનક રેકોર્ડ હવે પાકિસ્તાનના નામે નોંધાયો છે. તે પહેલી એવી ટીમ બની છે જેણે પહેલી ઈનિંગમાં ત્રણ સદીની મદદથી ૫૫૬ રન બનાવ્યા હતા આમ છતાં ઈનિંગ અને ૪૭ રને હારી ગઈ હતી.
પાકિસ્તાને પહેલી ઈનિંગમાં ૫૫૬ રન બનાવ્યા હતા. જવાબમાં ઈંગ્લેન્ડે ૮૨૩ રન ઝૂડ્યા હતા જેની સામે પાકિસ્તાને ઘૂંટણ ટેકવી દીધા હતા. તેણે બીજી ઈનિંગમાં ૨૨૦ રન બનાવ્યા હતા. આ રીતે પાકિસ્તાન માટે આ સૌથી મોટી હારી હતી. અગાઉ કોઈ ટીમને આ પ્રકારે હાર મળી ન્હોતી.
પાકિસ્તાને પહેલા બેટિંગ કરતાં ૧૪૯ ઓવર સુધી બેટિંગ કરી હતી. આ દરમિયાન તેના માટે અબ્દુલ્લાહ શફીને ૧૦૨, કેપ્ટન શાન મસૂદે ૧૫૧, આગા સલમાને ૧૦૪ અને સૌદ શકીલે ૮૨ રન બનાવ્યા હતા. જવાબમાં ઈંગ્લેન્ડે પાકિસ્તાની બોલરોની બેફામ ધોલાઈ કરી નાખતા ૧૫૦ ઓવરમાં સાત વિકેટે ૮૨૩ રન બનાવ્યા હતા જેમાં જો રુટે ૨૬૧ અને હૈરી બ્રુકે ૩૧૭ રન ફટકાર્યા હતા.
