કોહલીને મળ્યો આઈસીસી વન-ડે પ્લેયર ઑફ ધ યર એવોર્ડ
ભારતીય બેટર વિરાટ કોહલીને આઈસીસી વન-ડે પ્લેયર ઑફ ધ યર-૨૦૨૩થી નવાજવામાં આવ્યો છે. વિરાટને ન્યુયોર્કમાં કેપ પહેરાવાઈ હતી. ભારતીય ટીમ ટી-૨૦ વર્લ્ડકપ રમવા માટે અત્યારે અમેરિકામાં છે. કોહલી આ વૈશ્વિક ટૂર્નામેન્ટમાં ભારતીય ટીમનો મહત્ત્વનો ખેલાડી છે અને ટીમને તેની પાસે શ્રેષ્ઠ ઈનિંગની આશા છે. કોહલી ટીમ ઈન્ડિયા સાથે જોડાઈ ગયો છે. આઈસીસીએ સોશ્યલ મીડિયા પર એક વીડિયો શેયર કર્યો છે જેમાં કોહલીની ઉપલબ્ધીઓ ગણાવાઈ છે. વીડિયોમાં દેખાઈ રહ્યું છે કે કોહલીને એવોર્ડ કેપ અપાઈ છે. કોહલીને આ પુરસ્કાર ૨૦૨૩માં વન-ડે ફોર્મેટમાં શ્રેષ્ઠ પ્રદર્શન બદલ આપવામાં આવ્યો છે.
