આજથી ભારત-ઝીમ્બાબ્વે વચ્ચે ટી-૨૦ શ્રેણી

બપોરે ૪:૩૦થી મુકાબલો શરૂ

ટી-૨૦ વર્લ્ડકપની જીતની ઉજવણી પૂર્ણ થઈ ચૂકી છે. સીનિયર ટીમ હવે પોતપોતાના ઘરમાં આરામ કરશે જ્યારે જુનિયર ટીમ આજથી ઝીમ્બાબ્વે સામે ટી-૨૦ શ્રેણી રમશે. આજથી ભારત-ઝીમ્બાબ્વે વચ્ચે શ્રેણીનો પ્રારંભ થઈ રહ્યો છે. આ પ્રવાસે સંજુ સેમસન, શિવમ દૂબે, યશસ્વી જયસ્વાલ સામેલ છે પરંતુ તેઓ પ્રથમ બે ટી-૨૦માં રમશે નહીં આવામાં તેમની જગ્યાએ સાઈ સુદર્શન, જીતેશ શર્મા અને હર્ષિત રાણાને પસંદ કરાયા છે. આજે પ્રથમ મુકાબલો હરારે સ્પોર્ટસ ક્લબમાં રમાશે જે સાંજે ૪:૩૦ વાગ્યાથી શરૂ થશે. આ મુકાબલાનું લાઈવ પ્રસારણ સોની સ્પોર્ટસ નેટવર્ક ઉપર તો ઓનલાઈન પ્રસારણ સોનીલિવ એપ ઉપર ફ્રીમાં ઉઠાવી શકાશે.

શ્રેણીનો કાર્યક્રમ

તારીખ મેચ સ્થળ સમય

૬ જૂલાઈ પ્રથમ ટી-૨૦ હરારે સાંજે ૪:૩૦

૭ જૂલાઈ બીજી ટી-૨૦ હરારે સાંજે ૪:૩૦

૧૦ જૂલાઈ ત્રીજી ટી-૨૦ હરારે રાત્રે ૯:૩૦

૧૩ જૂલાઈ ચોથી ટી-૨૦ હરારે સાંજે ૪:૩૦

૧૪ જૂલાઈ પાંચમી ટી-૨૦ હરારે સાંજે ૪:૩૦

ટીમ ઈન્ડિયા

શુભમન ગીલ (કેપ્ટન), ઋતુરાજ ગાયકવાડ, અભિષેક શર્મા, રિન્કુ સિંહ, ધ્રુવ જુરેલ (વિકેટકિપર), રિયાન પરાગ, વોશિંગ્ટન સુંદર, રવિ બિશ્નોઈ, અવેશ ખાન, ખલીલ અહમદ, મુકેશ કુમાર, તુષાર દેશપાંડે, સાઈ સુદર્શન, જીતેશ શર્મા (વિકેટકિપર), હર્ષિત રાણા