ગોંડલ રોડ ઉપર પતિએ ભૂલથી લિફ્ટ ચાલુ કરી દેતા ફસાઈ જતાં પત્નીનું મોત

ગોંડલ રોડ ઉપર આવેલ પ્રથમ હાઇટ્સ નામની બિલ્ડીંગમાં લિફ્ટ નીચે દબાઈ જતા પતિની નજર સામે જ પત્નીનું મોત થયું હતું. દંપતી લિફ્ટમાં ચડવા જતાં ત્યારે પતિથી ભૂલથી  સ્વીચ દબાઇ જતાં લિફ્ટ ચાલુ થઈ ગઈ હતી અને મહિલાલિફ્ટમાં વચ્ચે ફસાઈ જતાં બનાવ બન્યો હતો.

ગોંડલ રોડ પર જૂની ટીબી હોસ્પિટલ પાછળ આવેલી પ્રથમ હાઇટ્સ નામની બિલ્ડીંગમાં બીજા માળે રહેતા રસીલાબેન પ્રભુદાસ નાથજી (ઉ.વ.55) પતિ પ્રભુદાસ સાથે બહાર જવા નીકળ્યા હતાબંને ફ્લેટના બીજા માળે લિફ્ટની રાહ જોઈ રહ્યા હતા.લિફ્ટ આવતા પહેલા પતિપ્રભુદાસભાઈ  લિફ્ટમાં ચડ્યા હતા. જ્યારે રસીલાબેન લિફ્ટમાં ચડતા હતા ત્યારે પ્રભુદાસભાઈએ ભૂલથીલિફ્ટની ગ્રાઉન્ડ ફ્લોરની સ્વીચ દબાવી દેતા લિફ્ટ ચાલુ થઈ ગઈ હતીઅને રસિલાબેનલિફ્ટમાં વચ્ચે ફસાઈ ગયા હતા લિફ્ટને તત્કાલ અટકાવી હતી. પરતું રસિલાબેનને ગંભીર ઇજા થઇ હતીજેથી તેમને સારવાર માટે સિવિલ હોસ્પિટલમાં ખસેડવામાં આવ્યા હતા.જ્યાં સારવાર પૂર્વે જ તેમનું મોત થયું હતું. રસિલાબેનના પતિ પ્રભુદાસભાઈ અતુલ મોટર્સમાં નોકરી કરે છે. તેમને સંતાનમાં 2 પુત્રી અને 1 પુત્ર છે.