આગામી તા.17,23 અને 24 નવેમ્બરે તમામ બુથ ઉપર મતદાર નોંધણી ઝુંબેશ
મતદાર યાદી સુધારણા ઝુંબેશ અન્વયે ખાસ ઝુંબેશ દિવસ જાહેર કરાયા
રાજકોટ સહિત રાજ્યભરમાં મતદાર યાદી સુધારણા ઝુંબેશ ચાલુ છે ત્યારે આગામી તા.17,23 અને 24 નવેમ્બરે તમામ મતદાન મથકો ખાતે મતદાર નોંધણી ઝુંબેશ યોજવા તમામ જિલ્લા કલેકટર અને જિલ્લા ચૂંટણી અધિકારીને ચૂંટણીપંચ દ્વારા સૂચના આપવામાં આવી છે.
રાજકોટ સહિત રાજ્યભરમાં 01-01-2025ની સ્થિતિએ 18 વર્ષ પૂર્ણ થતા હોય તેવા તમામ મતદારોને સમાવી લેવા મતદાર યાદી સુધારણા ઝુંબેશ ચાલુ છે જેમાં મતદાર નોંધણીની સાથે મતદાર યાદીમાં નામ સુધારણા, સરનામાં ફેરફાર સહિતની કામગીરી કરવામાં આવી રહી છે ત્યારે ચૂંટણીપંચ દ્વારા આગામી તા..17,23 અને 24 નવેમ્બરના ત્રણ દિવસને ખાસ ઝુંબેશ દિવસ જાહેર કરવામાં આવ્યા છે આ ત્રણ દિવસ દરમિયાન તમામ મતદાન મથકો ખાતે બુથ લેવલ ઓફિસર એટલે કે, બીએલઓ બેસાડી મતદાર યાદી સુધારણા કામગીરી કરવા તમામ જિલ્લા ચૂંટણી અધિકારી અને જિલ્લા કલેક્ટરને સૂચના આપવામાં આવી છે.
