ખીરસરા પાસેથી ૮૦૮ ગ્રામ ગાંજા સાથે બે શખ્સો પકડાયા

રાજકોટ નજીક ખીરસરા પેલેસ પાછળથી ગ્રામ્ય એસઓજીએ   808 ગ્રામ ગાંજા સાથે સુરેન્દ્રનગરના પાટડીમાં રહેતા ભરત વીઠા પાટડીયા અને અનવરશા ઇમામશા ફકીરની ધરપકડ કરી વધુ પૂછપરછ શરૂ કરી છે. આ બન્ને શખ્સો છેલ્લા 3 દિવસથી રાજકોટ પંથકમાં આશરો મેળવી બેઠા હતા. બન્ને પાસેથી રૂા. 8080ની કિંમતનો 808 ગ્રામ ગાંજો, અગાઉ વેચી નાખેલા ગાંજાના વેચાણના રૂા. 11000 રોકડા, ર મોબાઇલ ફોન મળી રૂા. ર3080નો મુદામાલ કબ્જે કરાયો હતો. ભરતની પુછપરછમાં તેણે ગાંજો પાટડીમાં એક ટ્રકવાળા પાસેથી પોતાને પીવા માટે લીધો હતો. અને રાજકોટમાં મરચાની ભુકકી વેચવા આવ્યા હોવાનું પોલીસ સમક્ષ જણાવ્યું હતું. પોલીસ બન્નેની રિમાન્ડ મેળવવા તજવીજ શરૂ કરી છે.