જેતપુર પાસે, એસટી-કાર અને ટેમ્પો વચ્ચે ટ્રિપલ અકસ્માત: 47 મુસાફરોનો આબાદ બચાવ

ત્રણ વ્યકિતને ઇજા: અકસ્માત બાદ જેતપુર હાઇવે ઉપર ટ્રાફિક જામ

રાજકોટ-જેતપુર નેશનલ હાઇવે ઉપર એસટી-કાર અને ટેમ્પો વચ્ચે ટ્રિપલ અકસ્માત સર્જાયો હતો આ અકસ્માતમાં 47 મુસાફરોનો આબાદ બચાવ થયો હતો જ્યારે ટેમ્પો અને કારમાં બેઠેલા ત્રણને ઇજા થઈ હતી ત્રણેય ઇજાગ્રસ્તોને સારવાર માટે હોસ્પિટલે ખસેડવામાં આવ્યા હતા.

ભાણવડ-રાજકોટ-દાહોદ રૂટની એસટી બસ અને કાર તેમજ ટેમ્પો વચ્ચે જેતપુર પાસે ત્રિપલ અકસ્માત સર્જાયો હતો. જેમાં એસટી બસમાં બેઠેલા 47 મુસાફરોનો આબાદ બચાવ થયો હતો. જ્યારે ત્રણ વ્યક્તિને ઇજા થતાં સારવાર માટે જેતપુર હોસ્પિટલમાં ખસેડાયા હતા. અકસ્માત બાદ રાજકોટ-જેતપુર હાઇવે ઉપરનો ટ્રાફિક જામ થઈ ગયો હતો. બનાવની જાણ થયા બાદ જેતપુર પોલીસ તેમજ હાઇવે ટ્રાફિક પોલીસ તાત્કાલિક ઘટના સ્થળે દોડી ગઈ હતી. અકસ્માત બાદ ભાણવડ-રાજકોટ-દાહોદ રૂટની એસટી બસમાં મુસાફરી કરી રહેલા 47 મુસાફરોને અન્ય બસમાં રવાના કરવામાં આવ્યા હતા.