લગ્નજમણમાં પંજાબી,કાઠિયાવાડી અને જાપાનનો તડકો:250 કરોડના ઓર્ડરો

સ્પાઈસી સૂપ,મકકે કી રોટી,સરસો કી સબ્જી, હરભરી ચાટ, હોટ હોટ અડદિયાનો લચકો,અંજીર અને અખરોટનો હલવો મહેમાનોને પીરસાશે

કોરોના પછી પ્રથમવાર કેટરર્સને મીઠી ચાસણી જેવી સિઝન, રાજકોટમાં બે મહિનામાં 5000થી વધુ લગ્નો:600 થી 2500 સુધીની પ્લેટના ઓર્ડરો:કોરોના પછી હેલ્ધી સાથે ફ્યુઝન ફૂડનો ટ્રેન્ડ

દેવદિવાળી પછી રાજકોટમાં લગ્ન પ્રસંગના ઢોલ ઢબુકશે, નવેમ્બર અને ડિસેમ્બરના બે મહિનામાં શહેરમાં 5000 અને સૌરાષ્ટ્રમાં આશરે ૨૫ હજાર જેટલા લગ્ન લેવાયાં છે. જેના લીધે રાજકોટના કેટરર્સને અઢીસો કરોડના ઓર્ડરો આવ્યા છે.જેના લીધે આ વ્યવસાય સાથે સંકળાયેલા 15થી વધુ નાના ધંધાર્થીઓ અને હજારો કામદારો માટે આ સિઝન લાભદાયી બનશે.

ગુજરાત કેટરર્સ એસો.ના દિપકભાઈ સંઘવીએ જણાવ્યું હતું કે, અમારી ધારણા મુજબ ગુજરાતમાં 50,000 જેટલા લગ્ન આ લેવાયા છે. એવું કહી શકાય કે કોરોનાના ચાર વર્ષ બાદ અમારી સીઝનમાં બમણો ઉછાળો આવ્યો છે લગ્ન પ્રસંગની થાતો સાથે સપ્તાહ ,કથા, ધાર્મિક કાર્યક્રમોનું પણ આયોજન થયું હોવાથી મંગળવાર માટેના ઓર્ડર નાના થી લઈને મોટા કેટર્સના ધંધાર્થીઓ પાસે આવ્યા છે.
આ વખતે લગ્ન પ્રસંગના મેનુંમાં થોડોક ફેરફાર આવ્યો છે, જેમાં કાઠીયાવાડી અને પંજાબી તડકા સાથે જાપાનીઝ,બરમીઝ ડિશનો ટેસ્ટ અને બેકડ આઇટમ લગ્ન પ્રસંગમાં જમણવારના જોવા મળશે. શિયાળાની સિઝનમાં લગ્ન હોવાના લીધે સૌથી મહત્વનો ફાયદો એ થાય છે કે બધા જ શાકભાજી અને ફ્રૂટ મળી રહે છે. આ વખતે ફુલગુલાબી ઠંડીમાં સ્પાઇસી અને વેજીસથી ભરપૂર સૂપ, ચાઈનીઝ અને મેક્સિકન સ્ટાર્ટર, ગરમાગરમ અડદિયાનો લચકો, ડ્રાયફ્રુટથી ભરેલો હલવો,ચટપટી ચાટ,મકકે કી રોટી અને સરસોની સબ્જી અને કાઠિયાવાડી ઊંધિયું અને છેલ્લે ફ્રૂટના ડેઝર્ટ પીરસાશે.

છેલ્લા વર્ષોથી બુફે જમણવારની પ્રથા શરૂ થઈ ગઈ છે જેમાં 600 રૂપિયાથી લઈ 2500 રૂપિયા સુધીની એક થાળી હોય છે. જોકે આ વખતે ધાર્મિક કાર્યક્રમોમાં પહેલાની જેમ પંગત પ્રથા શરૂ થઈ છે. કોરોના પછી હવે ના જમણવારમાં  હાઈજેનિક સાથે હેલ્ધી અને ફ્યુઝન ફૂડનો ટ્રેન્ડ ચાલી રહ્યો છે.

1500-2000 લોકો માટે જમણવાર ઓછા થઈ ગયાં
દિપકભાઈ સંઘવી જણાવે છે કે અગાઉ મોટા પરિવારોમાં એક જમણવારમાં 1500 થી 2000 મહેમાનો માટે ભોજન સમારોહ થતાં હતાં, જેમાં હવે સિસ્ટમ બદલાઈ ગઈ છે જે યજમાનના ઘરે પ્રસંગ હોય છે તેઓ બે ત્રણ દિવસના પ્રસંગો ઉજવે છે તેમાં મહેમાનોને અલગ અલગ પ્રસંગ મુજબ આમંત્રણ અપાઈ છે.

એક લગ્નમાં 500થી વધુનો જીવનનિર્વાહ ચાલે છે..
એક પ્રસંગ દરમિયાન અલગ અલગ માણસોને કામ મળતો હોય છે જેમાં કેટરિંગ અને મંડપ ડેકોરેશન થી લઈ અન્ય જવાબદારીમાં દરરોજ અલગ અલગ લોકોને કામ મળતું હોવાથી 500થી વધુ લોકોનો એક પ્રસંગ જીવન નિર્વાહ ચલાવે છે વચ્ચે કોરોના ના લીધે સગાઈથી પ્રસંગ ઉજવાયો ત્યારે આ બધા જ પરિવારોની કફોડી હાલત થઈ ગઈ હતી.

મીસો અને બર્મિઝ ખાઉસે સૂપ,બેકડ સ્વીટ્સનો નવો સ્વાદ
આ વખતે હોટ સોર,મનચાઉ અને ટોમેટો સૂપની સાથે આ વખતના જમણવારમાં જાપાનીઝ મીસો અને બર્મિઝ ખાઉસે સૂપનો ટેસ્ટ મળશે,ચાઈનીઝ-મેક્સિકન સ્ટાર્ટર તો લીલાં ચણા અને વટાણાની ચાટ, મકકે કી રોટી સાથે સરસો કી સબ્જી, ગરમા ગરમ અડદિયાના લચકા સાથે અંજીર,અખરોટ અને મિક્સ ડ્રાયફ્રુટનો બેકડ હલવો આ વખતે પીરસવમાં આવશે.