ડી-માર્ટનો ગોડાઉન ઓફિસર જ ચોર નીકળ્યો: કંપની માંથી રૂ.૩૫ હજારના માલની ચોરીમાં બે સામે ગુનો નોંધાયો

રાજકોટના કુવાડવા રોડ ઉપર આવેલ ડી-માર્ટ માંથી ગોડાઉન ઓફિસર અને તેનો સાથી રૂ.૩૫૦૦૦ના મુદ્દમાલની ચોરી કરી જતા આ મામલે બી-ડીવીઝન પોલીસમાં ગુનો નોંધાયો છે.

બનાવ અંગે મોલના મેનેજર રાજદીપ અરવિંદભાઈ મકવાણાએ ફરીયાદ નોંધાવી છે જેમાં આરોપી તરીકે ગોડાઉન ઓફિસર

અમિત ભક્તિરામ નિમાવત અને તેના સાથીનું નામ આપ્યું છે મોલમા અલગ અલગ ડીપાર્ટમેંટ કુલ ૧૬૦ કર્મચારીઓનો સ્ટાફ છે ત્યારે ગઈ તારીખ ૦૮/૦૮/૨૦૨૩૨૦૨૩ના ડીમાર્ટ કંપનીના ઓડીટ વખતે સી.સી.ટી.વી. કેમેરાનુ ફુટેજ ચેક કરતા બે ઈસમો કઈક શંકાસ્પદ પ્રવૃતી કરતા જણાતા તેમને મેનેજરને જાણ કરી હતી  ગત તા ૧૯/૦૬/૨૦૨૩ના સવારના આઠેક વાગ્યાના સી.સી.ટી.વી. કેમેરા ફુટેજ ચેક કરતા  પાછળના ગેટ પર મોલની અંદરની બાજુમા કંપનીનો કર્મચારી ગોડાઉન ડીપાર્ટમેંટ ઓફીસર અમીતભાઈ ભક્તિરામભાઈ નિમાવત તથા એક અજાણ્યો ઈસમ અમુક વસ્તુઓ ગોડાઉનના શર્ટર ખોલી એક ઓટો રીક્ષા બહાર ઉભેલ હોય તેમા કઈક સામાન ભરતા જોવા મળ્યા હતા જે બાબતે મેન્ટેનસ રજીસ્ટર ચેક કરેલ જેમા ૩૫ હજારના માલની ચોરી થઇ હોવાનું ખુલતા આ બાબતે પોલીસ ફરીયાદ નોંધાઈ છે. બી-ડીવીઝન પોલીસે વધુ તપાસ શરુ કરી છે.