ગોંડલ રોડ-મંગળા રોડ પર દુકાન-ઓફિસ સીલ
પ્લેનરી આર્કેડના ત્રીજા માળે અને મંગળા રોડ પર પરિશ્રમ પ્લાઝાના પહેલાં માળે આવેલી ઓફિસ સામે કાર્યવાહી
મહાપાલિકાની ટેક્સ બ્રાન્ચ દ્વારા બાકીવેરો ચૂકતે કરવામાં ઠાગાઠૈયા કરતાં બાકીદારો સામે લાલ આંખ કરીને ધડાધડ મિલકતો સીલ કરવાનું શરૂ કરાયું છે ત્યારે તેમાં વધુ પાંચનો ઉમેરો થવા પામ્યો છે. મંગળા રોડ પર પરિશ્રમ પ્લાઝાના પહેલાં માળે આવેલી દુકાન નં.૨૧૭, ગોંડલ રોડ પર પ્લેનગરી આર્કેડના ત્રીજા માળે ઓફિસ નં.૩૦૯, રાજેન્દ્રપ્રસાદ રોડ પર કેસરી નંદન કોમ્પલેક્સના ચોથા માળે ઓફિસ નં.૪૦૬ દ્વારા વેરો ભરપાઈ કરવામાં ન આવતાં સીલ મારી દેવામાં આવ્યું હતું.
એકંદરે મંગળવારે રિકવરી ઝુંબેશ દરમિયાન કુલ પાંચ મિલકતને સીલ કરાઈ હતી તો ૧૦ સામે સીલની કાર્યવાહી કરાતાં જ વેરો ચૂકતે કરી દેવામાં આવ્યો હતો. આ પેટે એક દિવસમાં તંત્રની તિજોરીમાં વધુ ૨૮.૬૫ લાખ જમા થતાં વેરા વસૂલાતનો કુલ આંક ૩૪૦.૯૧ કરોડે પહોંચ્યો છે.
