લોકમેળામાં બે વર્ષની બાળકી સાથે શારીરિક અડપલા
પરિવારજનો ચકડોળમાં બેઠા ત્યારે પરપ્રાંતિય શખ્સે આચરેલું કૃત્ય
રાજકોટના રંગરસ મેળામાં પરિવાર સાથે મેળામાં આવેલી એક બે વર્ષની બાળકી સાથે એક પરપ્રાંતિય શખ્સે બે વર્ષની બાળકી સાથે અડપલા કરતા બાળકીને ગુપ્ત ભાગે ઇજા થતાં તેણે સારવાર માટે હોસ્પિટલે ખસેડાઇ હતી. આ સમગ્ર ઘટનામાં પ્ર. નગર પોલીસમાં ફરિયાદ નોંધાઈ હતી. પોલીસ આ બનાવમાં ઢગાની ધરપકડ કરી જરૂરી કાર્યવાહી કરી હતી.
કોઠારિયા સોલવન્ટા વિસ્તા.રમાં એક કારખાનામાં રહેતી મહિલા તેની બે વર્ષની પુત્રી સહિતના પરિવારજનો સાથે રેસકોર્ષ ગ્રાઉન્ડીમાં લોકમેળામાં ફરવા ગયા હતા. દરમિયાન મહિલા તથા તેની સાથે આવેલા સગા-સંબંધીઓને ચકડોળમાં બેસવું હોઇ, તેથી મહિલાએ પોતાની બે વર્ષની બાળકીને તેની સાથે ફરવા આવેલા કૌટુંબીક દેરાણીનો ભાઇ બ્રુગભાન હરીસિંહ અહેરવારને સાચવવા માટે આપી અને ચકડોળમાં બેઠા હતા. થોડીવાર બાદ મહિલા અને સગા-સંબંધીઓ ચકડોળમાંથી પરત આવતા બાળકી રડતી હતી. બાદ તેની માતાએ બાળકીને પોતાની પાસે લેતા તેને શંકા જતા તપાસ કરતાં બાળકીના ગુપ્તા ભાગે લોહી નીકળતું જોઇ બાળકીને તાકીદે સારવાર માટે સિવિલ હોસ્પિનટલમાં ખસેડાઇ હતી.
તબીબી પરીક્ષણમાં બાળકી સાથે શારીરિક અડપલા થયા હોવાનું જાણવા મળતા પરિવાર જનો હેબતાઈ ગયા હતા. તપાસ કરતાં આ કૃત્ય બાળકીની માતાના કૌટુંબીક દેરાણીનો ભાઇ બ્રુગભાન હરિસિંહ અહેરવારે કર્યું હોવાનું જાણવા મળતા આ મામલે પ્ર.નગર પોલીસ મથકમાં ફરિયાદ નોંધાવતા પીઆઇ એમ.આર.ગોંડલીયા સહિતે ઉત્તરપ્રદેશનો હવસખોર બ્રુગભાન અહેરવારને સકંજામાં લઇ તપાસ હાથ ધરી છે.
