ગોંડલમાં છ કિલો ગાંજા સાથે એકની ધરપકડ

ગોંડલના વોરા કોટડા રોડ પર ગ્રામ્ય એસઓજીએ ચિસ્તિયા મસ્જિદની સામેની શેરી મફતીયા પરામાં રહેતા તૈયબ કાસમ જુણેજાના ઘરે દરોડો પાડી રૂ. 66,490ની કિમતના 6 કિલો 149 ગ્રામ ગાંજા ઝડપી લઈ એન.ડી.પી.એસ.એક્ટ હેઠળ ગુન્હો નોંધી કાયદેસરની કાર્યવાહી હાથ ધરી હતી.આ જથ્થો ક્યાંથી લાવ્યો તે બાબતે તેની વિશેષ પૂછપરછ શરૂ કરવામાં આવી છે. એલ.સી.બી.શાખા પી.આઈ વી.વી.ઓડેદરા તથા એસ.ઓ.જીના પીએસઆઈ બી.સી.મિયાત્રા સહિતના સ્ટાફે કામગીરી કરી હતી.

ઉપરાંત ખોડીયાર નગરમાં રહેતા નિરવ વસોયાને વિદેશી દારૂની 25 બોટલ તથા 36 ચપલા મળી કુલ 15,000ના મુદ્દામાલ સાથે  ધરપકડ કરી હતી.