સૌરાષ્ટ્ર યુનિવર્સિટીમાંથી મતદાર યાદીમાંથી મેહુલ રૂપાણીનું નામ ગાયબ

-મને અને મારા પરિવારને બદનામ કરવા માટે કાવતરું રચાયું હોવાનો કર્યો આક્ષેપ

• કુલપતિ ગીરીશ ભીમાણીએ આક્ષેપ ફગાવ્યા

યુનિવર્સીટીની મતદાર યાદીમાંથી મેહુલ રૂપાણીનું નામ કમી થવા મુદ્દે તેમણે વીડિયો શેર કર્યો છે. જેમાં તેમણે કહ્યું છે કે , મને બદનામ કરવાનું કાવતરું રચવામાં આવ્યું છે.તેમણે એમ પણ કહ્યું કે મારા કાકા વિજય રૂપાણી અને મારા પરિવારને બદનામ કરવા કાવતરું રચવામાં આવ્યું છે, હું યુનિવર્સિટીનો માન્યતા પ્રાપ્ત ટીચર છું.

આ ઉપરાંત તેમણે કહ્યું, વર્ષ 2012 અને 2017માં લાયકાત અને નિયમ મુજબ ચૂંટણીમાં ઉમેદવારી કરી અને જીત્યો હતો. ડો.ગીરીશ ભીમાણી મારા ગુરુ છે, બે વાર હું ડીન રહ્યો બાદમાં મેં ડીન પદ છોડ્યું અને ગિરીશ ભીમાણી ડીન બન્યા હતા. સૌરાષ્ટ્ર યુનિવર્સિટીમાં ડીન બન્યા બાદ તેઓ કુલપતિ બન્યા છે.

આ અંગે કુલપતિ ;ગીરીશ ભીમાણીએ કહ્યું, કે મેહુલ રૂપાણીએ સેનેટની મતદાર યાદી બનાવતા સમયે ફોર્મ 16 A જમા ન કરાવતા મતદાર યાદીમાંથી નામ કમી કરવામાં આવ્યું છે.

મેહુલ રૂપાણી અધ્યાપક ન હોવા છતાં પણ ડીન તરીકે કાર્યો કરતા રહ્યા હતા તેવો આક્ષેપ પણ મુકાયો છે. . જો કે, પોતાના પર લાગેલા આક્ષેપોને મેહુલ રૂપાણીએ ફગાવ્યા છે. મેહુલ રૂપાણીએ કહ્યું કે, સેનેટની ચૂંટણીમાંથી દૂર રહેવાનું હોવાથી પુરાવા આપ્યા ન હતા.

આ વિવાદ અંગે સૌરાષ્ટ્ર યુનિવર્સિટીના ઇન્ચાર્જ કુલપતિ પ્રો. ગિરીશ ભીમાણીની પત્રકાર પરિષદ સંબોધી હતી. પૂર્વ સિન્ડિકેટ સભ્ય મેહુલ રૂપાણીનું મતદાર યાદીમાંથી નામ કમીને લઈને તેઓએ જણાવ્યું કે, મતદાર યાદી મામલે કાયમી અધ્યાપકો માટે 16A ફોર્મ ફરજીયાત કરવામાં આવ્યું હતું. સરકારી પગાર લેતા હોય તો ઇન્કમટેક્સ રિટર્ન ભરતા હોય છે. મેહુલ રૂપાણીએ 16A ફોર્મ રજૂ ન કરતા મતદાર યાદીમાંથી નામ કમી થયું છે. મેહુલ રૂપાણીનું નામ આગાઉ મતદાર યાદીમાં હતું. મેહુલ રૂપાણીએ ચાલુ વર્ષે ચકાસણી દરમિયાન 16A ન આપતા ચાલુ વર્ષની મતદાર યાદીમાંથી નામ કમી કરવામાં આવ્યું છે.