પુત્રી સાથે મારકૂટ કર્યા બાદ માતાનો આપઘાતનો પ્રયાસ

અવાર નવાર પુત્રી ઉપર હાથ ઊપડતી માતાની ફરિયાદ પોલીસને કરતા ઝેરી દવા પી લીધી

અવાર નવાર 12 વર્ષની પુત્રી સાથે મારકૂટ કરતી માતાએ પુત્રીને માર મારતા પુત્રીએ 181 હેલ્પ લાઇનમાં કોલ કરતાં પોલીસ તેની ધરપકડ કરશે તેવી બીક લગતા માતાએ આપઘાતનો પ્રયાસ કર્યો હતો.

કોઠારીયા રોડ પર હુડકો ક્‍વાર્ટર નં. ૧૨૯માં રહેતાં વંદનાબેન સંજયભાઇ જોષી (ઉ.વ.૩૫) એસિડ પી લેતાં સિવિલ હોસ્‍પિટલમાં દાખલ કરવામાં આવ્યા હતા.ભક્‍તિનગર પોલીસ તપાસમાં જાણવા મળ્યું કે પતિ સંજયભાઇ જોષી ડ્રાઇવીંગ કરતા હોય તેમણે ડ્રાઇવિંગના કારણે અવાર નવાર બહાર રહેવાનું થતું હોય વંદનાબેન અને 12 વર્ષની પુત્રી રાધિકા ઘરે એકલા રહેતા હોય છે. વંદનાબેન ૧૨ વર્ષની દિકરી રાધીકા સાથે વારંવાર નાની નાની બાબતોમાં ઠપકાઓ આપી મારકુટ કરતાં હોય અગાઉ આ બાબતે વંદનાબેનને પતિએ આવું નહિ કરવા સમજાવી હતી અને વંદનાબેને પણ હવે પછી મારકુટ નહિ કરે તે પ્રકારનું લખાણ પણ કર્યું હતું. છતાં પુત્રી રાધિકાને મારમારતા આ વખતે પુત્રી રાધિકાએ પોલીસમાં અને ૧૮૧માં કોલ કરી દીધો હતો. જેથી વંદનાબેનને ડર લાગ્યો કે પોલીસ તેને પકડી લેશે જેથી તેણીએ એસિડ પી લીધુ હતું.