જિલ્લા પંચાયતની બાંધકામ સમિતિની બેઠકમાં રૂ.668.30 લાખના કામ મંજૂર કરાયા
સમિતિની પ્રથમ બેઠકમાં અધ્યક્ષ સહિત સભ્યો અને અધિકારીઓ રહ્યા હાજર: રોડ-રસ્તાના કામોને મંજૂરી અપાઈ
વોઇસ ઓફ ડે,રાજકોટ
રાજકોટ જિલ્લા પંચાયતની જાહેર ખાસ બાંધકામ સમિતિની બેઠક સોમવારે બાંધકામ સમિતિના અધ્યક્ષ દક્ષાબેન રાદડિયાના અધ્યક્ષ સ્થાને મળી હતી. જેમાં જુદા-જુદા કામોના ટેન્ડર મંજૂર કરવામાં આવ્યા હતા.
જિલ્લા પંચાયતની સમિતિઓની રચના થયા બાદ એક પછી એક સમિતિની બેઠકો મળી રહી છે. તેવામાં સોમવારે જાહેર બાંધકામ સમિતિની બેઠક સમિતિના અધ્યક્ષ દક્ષાબેન રાબડીયાના અધ્યક્ષ સ્થાને મળી હતી. આ બેઠકમાં બાંધકામ સમિતિના અધિકારના કુલ રૂ.133.23 લાખના વિવિધ કામોના ટેન્ડરો મંજૂર કરવામાં આવ્યા હતા. આ ઉપરાંત રૂ.535.07 લાખના કામોની કારોબારી સમિતિમાં ટેન્ડરો મંજૂર કરવા ભલામણ કરવામાં આવી હતી. જ્યારે વહીવટી કામોની ચર્ચા પણ કરવામાં આવી હતી. બાદનહકા, સમિતિની બેઠકમાં અધ્યક્ષ ઉપરાંત સમિતિના સભ્ય સુમિતાબેન ચાવડા, સહદેવસિંહ જાડેજા, અમૃતલાલ મકવાણા, તેમજ કાર્યપાલક ઇજનેર સચિવ એસ.બી. મહાલા તેમજ ના.કા.ઈ હાજર રહ્યા હતા.
