એલઆરડી તાલીમના નકલી ઓર્ડર ખરીદનાર વધુ ચાર ઉમેદવારોની ધરપકડ
બોગસ ઍપૉઇન્ટમૅન્ટ લેટર મેળવનાર હજુ ૧૫ જેટલા ઉમેદવારોની શોધખોળ
રાજકોટમાં બોગસ કોલ લેટરથી એલઆરડી ભરતીનું કૌભાંડ આચરવામાં આવ્યુ હતું. જેનો પર્દાફાશ કરાયો છે. 2021ની એલઆરડી ભરતીમાં બનાવટી નિમણૂકપત્રને આધારે ધૂસવાનો પ્રયાસ કરાયો હતો, દસ્તાવેજ વેરીફીકેશનમાં આ સમગ્ર કૌભાંડનો પર્દાફાશ થયો હતો.જેમાં પોલીસે વધુ ચાર ઉમેદવારોની ધરપકડ કરી છે. તેમજ હજુ બોગસ ઍપૉઇન્ટમૅન્ટ લેટર મેળવનાર હજુ ૧૫ જેટલા ઉમેદવારોની શોધખોળ હાથ ધરી છે.
ક્રાઈમ બ્રાંચે કરેલી તપાસમાં 28 જેટલા ઉમેદવારના નિમણૂંક પત્રો રૂ.4 લાખથી 5 લાખ લઈ વેચવામાં આવ્યા હતા. નકલી નિમણૂંક પત્રો ખરીદનાર ઉમેદવાર અને વચેટીયાઓની ધરપકડનો દૌર શરૂ કરતા ક્રાઈમ બ્રાંચે 21 આરોપીઓની ધરપકડ કરી હતી. ત્યારે વધુ ચાર આરોપીઓ જસદણના બરવાળાના જયદિપ રવુભા ખાચર (ઉ.વ.26), શૈલેષ ચોથા પલાડીયા (ઉ.વ.28), અશ્ર્વિન જગદિશભાઈ ચાવડા (ઉ.વ.27) અને નવાગામના અને સોમા વાઘા અજાડીયા (ઉં.વ.21)ની ધરપકડ કરી ક્રાઈમ બ્રાંચના તપાસનીશ પીએસઆઈ એ.આર.પરમાર અને તેમની ટીમે ચારેયના રિમાન્ડની માંગણી સાથે કોર્ટમાં રજૂ કર્યા હતા. આ કૌંભાડના બે મુખ્ય સૂત્રધારો હજુ ફરાર છે.