પોલીસ કમિશ્નર રાજુ ભાર્ગવની અધ્યક્ષતામાં ધ્વજવંદન

રાજકોટ પોલીસ દ્વારા પોલીસ હેડ ક્વાટર્સ ખાતે ૧૫મી ઓગસ્ટ નિમિત્તે પોલીસ કમિશ્નર રાજુ ભાર્ગવની અધ્યક્ષતામાં

ધ્વજવંદનનો કાર્યક્રમ યોજ્યો હતો આ તકે દેશભક્તિનો માહોલ જોવા મળ્યો હતો. ધ્વજવંદન બાદ  પરેડ યોજાઈ હતી જેનું પોલીસ કમિશ્નર દ્વારા નિરીક્ષણ કરવામાં આવ્યું હતું. સાથે પોલીસના  અશ્વો દ્વારા યોજાયેલ  પરેડ અને ડોગ-શો લોકોમાં આકર્ષણનું કેન્દ્ર બન્યા હતા. આ પરેડ દરમિયાન પોલીસના અશ્વ સ્વારોએ અવનવા કરતબ બતાવ્યા હતા. તેમજ પોલીસ તાલીમબદ્ધ શ્વાન દ્વારા  ડોગ-શો યોજાયો હતો. જેમાં શહેર પોલીસના ટ્રેઇન્ડ શ્વાનો દ્વારા અવનવા કરતબો કરવામાં આવ્યા હતા.આ કાર્યક્રમમાં શહેર પોલીસના અધિકારીઓ સહિતનો સ્ટાફ અને રાજકોટના શહેરીજનો મોટી સંખ્યામાં હાજર રહ્યા હતા.