રાજ્યમાં 50 અને દેશમાં 186 બોગસ પેઢી બનાવી:આરોપીએ વટાણા વેર્યા
રાજ્યવ્યાપી 200 કરોડના જીએસટી કૌભાંડમાં શ્રોફની ભૂમિકા મહત્વની રહી હોવાનો ઘટસ્ફોટ: હજુ વધુ ધરપકડના ભણકારા
રાજ્ય વ્યાપી 200 કરોડના જીએસટી કૌભાંડમાં શ્રોફની ભૂમિકા મહત્વપૂર્ણ રહી હોવાનું સામે આવતા હવે ઇ.ડી.એ એ દિશામાં તપાસ હાથ ધરી છે. જેમાં જાણવા મળતી વિગત અનુસાર 5 આરોપીઓના રિમાન્ડ દરમિયાન વધુ ગુપ્ત માહિતીઓ બહાર આવી હતી. આ ઉપરાંત આ કેસમાં વધુ આરોપીઓની ધરપકડ થવાની સંભાવના છે.
આ કૌભાંડીઓએ ધ્રુવી એન્ટરપ્રાઇઝ નામની બોગસ પેઢીની રચના કરીને તેના થકી રાજ્યની અન્ય બાર પેઢીઓમાં બોગસ બીલિંગ આચરીને ૨૦૦ કરોડની ખોટી વેરાશાખ લેવામાં આવી હોવાના કેસમાં અમદાવાદ ક્રાઈમ બ્રાન્ચ દ્વારા ધરપકડ થઈ હતી અને જેમાં 18 ઓક્ટોબર સુધીના રિમાન્ડ મંજૂર કરવામાં આવ્યા હતા. આ રિમાન્ડ દરમિયાન એજાજ માલદાર, અબ્દુલ કાદરી અને ઈરફાન જેઠવા એ ધ્રુવી એન્ટરપ્રાઇઝ ઉપરાંત શિક્ષિત તેમજ ગરીબોના છેતરપિંડીથી દસ્તાવેજો મેળવીને તેના આધારે રાજ્યમાં 50 સહિત સમગ્ર દેશમાં કુલ 186 બોગસ પેઢીઓની રચના કરવામાં આવી હતી.
વધુ આ શખ્સોએ પૂછપરછમાં જણાવ્યું હતું કે, તેઓએ વધુ પેઢીઓની ફાઈલ બનાવવાની કબુલાત પણ કરી હતી. ભાવનગરના વધુ ભેજાબાજોની આ કેસમાં સંડોવણી હોવાનું ખુલ્લું છે આ શખ્સોના ધરપકડ ના ભણકારા વાગી રહ્યા છે.
