પોરબંદરમાં લલિત વસોયાને કોંગ્રેસની ટિકિટ

ગુજરાતના ૭ સહિત વધુ ૪૩ ઉમેદવારોની યાદી જાહેર કરાઇ

ઓલ ઇન્ડિયા કોંગ્રેસે આજે લોકસભાના વધુ ૪૩ ઉમેદવારોના નામ જાહેર કર્યા છે જેમાં ગુજરાતની ૭ અને સંઘ પ્રદેશ દીવ-દમણની એક બેઠકનો સમાવેશ થાય છે. કોંગ્રેસે પોરબંદરમાં પૂર્વ ધારાસભ્ય લલિત વસોયાને ટિકિટ આપી છે. જ્યારે કચ્છમાં નીતિશ લાલનને ઉમેદવાર બનાવાયા છે. આ સિવાય બનાસકાંઠામાં ગેનીબેન ઠાકોર, વલસાડમાં અનંત પટેલ, અમદાવાદ (પૂર્વ)માં રોહન ગુપ્તા, અમદાવાદ (પશ્ચિમ)માં ભરત મકવાણા, બારડોલીમાં સિદ્ધાર્થ ચૌધરી તેમજ સંઘ પ્રદેશ દમણ-દીવની ટિકિટ કેતન પટેલને આપવામાં આવી છે. કોંગ્રેસે આસામ, મધ્ય પ્રદેશ અને રાજસ્થાનના કેટલાક નામો પણ જાહેર કર્યા છે જેમાં છિંદવાડાથી નકુલનાથ, જોરહટથી ગૌરવ ગોગોઇ, ગૌહાટીથી મીરા ગોસ્વામી, ચુરુથી રાહુલ કંસવાન અને જાલોરથી વૈભવ ગેહલોતને ટિકિટ આપવામાં આવી છે.