રાજકોટનું આકાશ થયું “બિઝી”: એરપોર્ટ ઉપરથી દરરોજ 25 ટ્રેનિંગ ફલાઇટ લગાવે છે “ચક્કર”

અમરેલીમાં ગુજરાત ફલાઇંગ કલબની શરૂઆત થતાં રાજકોટ એરપોર્ટ થયું વ્યસ્ત,ડેઇલી 15 શેડ્યુઅલ ફલાઇટ ઉપરાંત તાલીમી ફલાઇટનો વધારો થતાં હીરાસર એરપોર્ટના નેવિગેશન રૂટમાં પ્રેક્ટિસ વધી

રાજકોટ હીરાસર ઇન્ટરનેશનલ એરપોર્ટથી દરરોજ 15 જેટલી ફ્લાઈટની ઉડાન ઉપરાંત 25 થી વધુ ટ્રેનિંગ ફ્લાઈટ રાજકોટનાં નેવિગેશનનો રૂટ ઉપયોગમાં લેતી હોવાથી ડેઇલી 25 જેટલી તાલીમી ફલાઈટથી રાજકોટનું આભ “બિઝી”થઈ ગયું છે. વડોદરામાં આવેલું ગુજરાત ફ્લાઈગ કલબ અમરેલીમાં શરૂ થતાં અમરેલીથી રાજકોટની ઉડાન વધી છે.

ગુજરાતમાં મહેસાણા અને વડોદરામાં ફ્લાઈગ કલબ ચાલી છે. જેમાં મહેસાણામાં બ્લુ રે એવીએશન પ્રાઇવેટ લિમિટેડ અને વડોદરામાં આવેલી ગુજરાત ફ્લાઈગ કલબ દેશની સર્વ શ્રેષ્ઠ ઉડ્ડયન તાલીમ એકેડેમી છે જ્યાં ગુજરાત ઉપરાંત દેશભરમાંથી અનેક યુવાનો પાયલોટની તાલીમ લેવા માટે આવે છે.
અત્યારે સુધી જુના એરપોર્ટ પર તાલીમી ફલાઇટ ઉડાન ખૂબ ઓછી રહેતી હતી. હીરાસર ખાતે ગુજરાતનું પ્રથમ ગ્રીનફિલ્ડ એરપોર્ટ કાર્યરત થઈ જતા આ ટ્રેનિંગ ફ્લાઈટની ઉડાન પણ વધી ગઈ છે જેમાં ખાસ કરીને વડોદરાથી અમરેલીમાં એર  ટ્રેનિંગ સ્કૂલ શરૂ કરવામાં આવી છે ત્યારથી અમરેલીથી રાજકોટ નેવીગેશનનો રૂટ સતત વ્યસ્ત થઈ ગયો છે.

હાલના તબક્કામાં દરરોજની 25 જેટલી ટ્રેનિંગની ફ્લાઈટ રાજકોટના આકાશમાં ચક્કર લગાવે છે, આ તાલીમ માટે રાજકોટ એરપોર્ટ ખાતે કાર્યરત એર ટ્રાફિક કંટ્રોલ રૂમ સાથે ટ્રેનિંગ સ્કૂલને સંકલન કરવું પડે છે.આ તાલીમી ફલાઇટ અને પાયલોટ,ઓપરેટરને રાજકોટ એટીસી સાથે સતત સંપર્કમાં રહેવું પડે છે.

આ ટ્રેનીંગ ફલાઇટ માટેનો ચાર્જ FIC માં જમા થાય છે.

ફ્લાઈગ કલબની ફલાઇટ જ્યારે ટ્રેનિંગ માટે રાજકોટ કે અન્ય શહેરના એરપોર્ટનો નેવિગેશન રૂટનો વપરાશ કરે છે ત્યારે તેનો ચાર્જ વસુલાય છે.જો કે તાલીમી ફલાઇટ એરપોર્ટ પર લેન્ડિંગ કે ટેકઓફ નથી કરતી, માત્ર આ એરપોર્ટના નેવિગેશન રૂટનો ઉપયોગ કરે છે જેનો ચાર્જ નોમિનલ 200થી250 જેટલો હોય છે તે ફ્લાઇટ ઇન્ફોર્મેશન સેન્ટરમાં જે તે ટ્રેનિંગ એકેડેમીને જમા કરવાનો થતો હોય છે.

ILS એપ્રોચ પ્રેક્ટિસ ટ્રેની પાયલોટ કરે છે

ગુજરાતમાં બે જગ્યાએ એર એકેડમી કાર્યરત છે, હવે અમરેલીમાં આ ટ્રેનિંગ સ્કૂલ શરૂ થતા પાયલોટ દ્વારા કોઈપણ એરપોર્ટમાં આઈ.એલ.એસ. એપ્રોચની પ્રેક્ટિસ કરવાની હોય છે જેમાં વિઓઆર,આઈએલએસ( ઇન્સ્ટ્રુમેન્ટ ઓફ લેન્ડિંગ સિસ્ટમ),ડી.એમ.ઇ., લાઈવ એટીસી સહિત તમામ નેવિગેશનલ ઇન્સ્ટ્રુમેન્ટના ઉપયોગો સાથે પ્રેક્ટિસ કરે છે