કારમાં બ્લેક ફિલ્મ તેમજ જોખમી રીતે વાહન ચલાવનાર સામે પોલીસ ની કાર્યવાહી
12 છકડા ડિટેઇન ,70 બ્લેક ફિલ્મના કેસ,123 નંબર પ્લેટ વગર તથા ફેન્સી નંબર પ્લેટના 278 કેસ
રાજકોટમાં ટ્રાફિક પોલીસ દ્વારા નિયમોનો ભંગ કરનાર સામે કાર્યવાહી કરી હતી. કારના કાચમાંથી કાળી ફિલ્મ દૂર કરવા, જોખમી રીતે માલ ભરીને નીકળતાં છકડો રિક્ષાના ચાલક સામે અને નંબર પ્લેટ કે ફેન્સી નંબરપ્લેટ રાખીને નીકળતા વાહનચાલકો સામે ડ્રાઈવ યોજાઈ હતી. આ ડ્રાઈવ દરમિયાન 12 છકડા ડિટેઇન કરવામાં આવ્યા હતાં. તેમજ 70 બ્લેક ફિલ્મના કેસ,123 નંબર પ્લેટ વગર તથા ફેન્સી નંબર પ્લેટના 278 કેસ કરી રૂપિયા 1,71,000નો દંડ વસુલ કરાયો હતો.
તેમજ જે લોકો ટ્રાફિકના નિયમનું પાલન કરતાં જોવા મળ્યા તેમને અભિનંદન આપી ટ્રાફિકની સૂચના લખેલ કપડાંની થેલી આપી પ્રોત્સાહન આપવામાં આવ્યા હતાં.પોલીસ કમિશ્નર રાજુ ભાર્ગવની સૂચનાથી એડીશનલ પોલીસ કમિશનર વિધિ ચૌધરીના આદેશથી ડીસીપી ટ્રાફિક પૂજા યાદવ, એસીપી જે.બી.ગઢવીની આગેવાનીમાં આ કામગીરી થઈ હતી.
