ભાજપના પ્રદેશ પ્રમુખ સી.આર.પાટિલ આજે રાજકોટમાં

ભાજપ દ્વારા લોકસભાની ચૂંટણીજનો પ્રચાર જોરશોરથી ચાલી રહ્યો છે ત્યારે પ્રદેશ પ્રમુખ સી.આર.પાટિલ ગુરુવારે રાજકોટની મુલાકાતે આવી રહ્યા છે. પ્રદેશ પ્રમુખને આવકારવા માટે શહેર ભાજપ દ્વારા તૈયારી કરવામાં આવી છે.

ભાજપના સુત્રોના જણાવ્યા અનુસાર, સી.આર. પાટિલ રાજકોટ ભાજપના સીનીયર નેતાઓ સાથે બેઠક પણ કરશે અને આ બેઠક ઉપરની લીડ ૫ લાખથી વધુ કરવા સંદર્ભે માર્ગદર્શન આપશે.

સી.આર. પાટિલ એક પત્રકાર-પરિષદ પણ સંબોધશે. આ પહેલા તેઓ વીવીપી કોલેજ ખાતે યોજાયેલા સૌરાષ્ટ્ર સોશિયલ મીડિયા મીટમાં પણ હાજરી આપશે.

શુક્રવારે ભાજપના પ્રદેશ મહામંત્રી અને કચ્છના સાંસદ વિનોદ ચાવડા પણ રાજકોટની મુલાકાતે આવી રહ્યા છે.