૧૮ ગામડા વચ્ચે ઘેરાયેલું એરપોર્ટ પોલીસ મથક: સૌથી મોટો પડકાર, દારૂને ઘૂસતો અટકાવવાનો !

અન્ય રાજ્યમાંથી ટ્રક-ગાડીઓ ભરાઈને રાજકોટમાં ઠલવાય એટલે સૌથી પહેલાં તેણે એરપોર્ટ પોલીસ મથક કરવું પડે છે ક્રોસ'

૩૦ ચોરસ કિલોમીટર વિસ્તારનું માત્ર ૪૯નો સ્ટાફ કરે છેરક્ષણ’: હાઈ-વે સાથે જોડાણ હોવાથી અકસ્માતોની સંખ્યા માતબર
ખૂન, છેતરપિંડી, જુગાર, મારામારી, અપહરણ સહિતની ગુન્હાખોરી અન્ય પોલીસ મથક કરતા માપ'માં નોંધાય છે

અન્ય રાજ્યમાંથી ગેરકાયદેસર રીતે ટ્રકમાં કે અન્ય કોઈ વાહનમાં દારૂ ભરાઈને રાજકોટમાં ઠલવાવા માટે આવે એટલે મોટાભાગની ગાડીઓએ શહેરની ભાગોળે આવેલું એરપોર્ટ પોલીસ મથકક્રોસ’ કરવું જ પડતું હોય છે. જો કે આ ક્રોસિંગ' અટકાવવા માટે એરપોર્ટ પોલીસ મથકના સ્ટાફે કાયમએલર્ટ મોડ’માં જ રહેવું પડે છે અને જો અજાણતાં પણ રાજકોટની અંદરથી દારૂ ભરેલું કોઈ વાહન પકડાય એટલે સૌથી પહેલી આંગળી એરપોર્ટ પોલીસ મથક સામે જ ચિંધાતી હોય છે ! એકંદરે આ પોલીસ મથક સામે સૌથી મોટો પડકાર દારૂને રાજકોટમાં ઘૂસતો અટકાવવાનો છે તેમ કહેવામાં કોઈ અતિશ્યોક્તિ નથી. આ પોલીસ મથક ૧૮ ગામડા વચ્ચે ઘેરાયેલું હોવાથી અન્ય પોલીસ મથકની સાપેક્ષમાં તેનો વિસ્તાર પણ ઘણો જ મોટો છે આમ છતાં પીઆઈ સહિત ૪૯ લોકોનો સ્ટાફ તેની સુરક્ષા કરવા માટે તમામ પ્રયાસો કરી રહ્યો છે.

બીજી બાજુ હાઈ-વે સાથે જોડાણ હોવાથી આ પોલીસ મથકના હદ વિસ્તારમાં અકસ્માતોની સંખ્યા પણ નોંધપાત્ર રહેવા પામી છે. જો કે ખૂન, છેતરપિંડી, જુગાર, મારામારી, અપહરણ સહિતની ગુન્હાખોરી અન્ય પોલીસ મથકની તુલનાએ `માપ’માં નોંધાઈ રહ્યાનું પ્રાપ્ત થયેલા આંકડા પરથી લાગી રહ્યું છે.

અહીં તા.૧-૧-૨૦૨૪થી તા.૩૦-૯-૨૦૨૪ સુધીના સમયગાળામાં એક હત્યા, બે ઘરફોડ, ચાર નાની-મોટી ચોરી, છેતરપિંડીના બે, જુગારના ૨, વિદેશી દારૂની હેરાફેરીના ૭, દેશી દારૂના ૬૧ ગુન્હા નોંધાયા છે. જ્યારે અકસ્માતની સંખ્યા અહીં ખાસ્સી નોંધાવા પામી છે. અહીં મૃત્યુ થયા હોય તેવા ૧૨ અકસ્માત અને ગંભીર પ્રકારના ૧૩ અકસ્માત મળી કુલ ૨૫ ગુન્હા નોંધાયા છે. આ ઉપરાંત ગ્રામ્ય વિસ્તારો વચ્ચે ઘેરાયેલું હોવાને કારણે અહીં મારામારી સહિતના ગુન્હા પણ એટલા જ નોંધાઈ રહ્યા હોવાથી સ્ટાફે રાઉન્ડ ધ ક્લોક દોડવું પડી રહ્યું છે.