ફરી ધાંધિયા: રાજકોટના ૬ વોર્ડમાં કાલથી બે દી’ પાણીકાપ

આટલા વિસ્તારોમાં પાણી નહીં મળે

વોર્ડ નં.૧૧ (પાર્ટ): અંબિકા ટાઉનશિપ-પાર્ટ.
વોર્ડ નં.૧૨ (પાર્ટ): વાવડી ગામ, વિશ્વકર્મા સોસા., મહમ્મદી બાગ, શક્તિનગર, રસુલપરા, બરકાતીનગર, મધુવન સોસા., ગોવિંદરત્ન, જે.કે.સાગર, વૃંદાવન વાટિકા, આકાર હાઈટસ, પુનિત પાર્ક, અંબિકા ટાઉનશિપ સહિતની સોસા.
વોર્ડ નં.૭ (પાર્ટ): ભક્તિનગર પ્લોટ, વિજય પ્લોટ, ગોંડલ રોડ, ઢેબર રોડ, લોહાનગર, ઉદ્યોગનગર.
વોર્ડ નં.૧૪ (પાર્ટ): વાણિયાવાડી, ગાયત્રીનગર, ગોપાલનગર, ગીતાનગર, ભક્તિનગર, ઢોલરીયાનગર, શ્રમજીવી સોસા., કોઠારિયા કોલોની (પાર્ટ), માસ્તર સોસા. (પાર્ટ), મીલપરા (પાર્ટ), મયુર પાર્ક, પુજારા પ્લોટ (પાર્ટ), આનંદનગર (પાર્ટ), મધુરમ પાર્ક, ગુલાબનગર, અમૃત પાર્ક.
વોર્ડ નં.૧૭ (પાર્ટ): નારાયણનગર ભાગ-૧,૨, નારાયણનગર મફતીયું, ઢેબર કોલોની ભાગ ૧,૨,૩, હસનવાડી ભાગ ૧,૨, વાલકેશ્વર સોસા., શ્રીનગર, સાધના સોસા., ઈન્દીરાનગર ૧,૨, મેઘાણીનગર, ન્યુ મેઘાણીનગર, આર્શીવાદ સોસા., ગુરુજન સોસા., ગીતાંજલી સોસા., અવંતિકા સોસા., આનંદનગર, ગાયત્રી બગીચાવાળો ભાગ.
વોર્ડ નં.૧૮ (પાર્ટ): ખોડિયાનગર, હિંગળાજનગર, હરિદ્વાર-૧, હરિદ્વાર-૨, ગુજરાત હાઉસિંગ બોર્ડ, નારાયણનગર, ચંદ્રેશનગર, મચ્છોનગર, નુરાનીપુરા, દોલતપરા, નાગબાઈ પરા, શિવમ ખાડો, શીતળાધાર, રેલવે બોર્ડ ક્વાર્ટર્સ, શુભમ પાર્ક, સીતારામ સોસા., સોલવન્ટ ક્વાર્ટર્સ.

રાજકોટમાં હજુ ઉનાળાનો આરંભ પણ નથી થયો ત્યાં પાણીકાપ શરૂ થઈ ચૂક્યો છે. તાજેતરમાં જ મનપા દ્વારા નવા વર્ષે જ ત્રણ દિવસ સુધી પાણીકાપ ઝીંક્યો હતો. જો કે તમામ વ્યવસ્થા થઈ જતાં બે દિવસનો પાણીકાપ પરત ખેંચ્યો હતો ત્યારે હવે કાલથી ફરી બે દિવસ માટે ૬ વોર્ડમાં પાણીકાપની જાહેરાત કરતાં ગૃહિણીઓમાં દેકારો બોલી જવા પામ્યો છે. મનપાના જણાવ્યા પ્રમાણે ભાદર ડેમથી રીબડા ફિલ્ટર પ્લાન્ટ સુધીની પાઈપલાઈન ઘણી જૂની હોવાના કારણે અલગ-અલગ સ્થળ પર લીકેજ કામગીરી હાથ ધરવાની હોવાથી આવતીકાલે બુધવારે વોર્ડ નં.૧૧ (પાર્ટ), ૧૨ (પાર્ટ) તેમજ ગુરૂવારે વોર્ડ નં.૭ (પાર્ટ), ૧૪ (પાર્ટ), ૧૭ (પાર્ટ) અને ૧૮ (પાર્ટ)માં પાણી વિતરણ બંધ રાખવાની જાહેરાત કરવામાં આવી છે.