લગ્નમાં શરૂ થયો અનોખો ટ્રેંડ, શેરવાનીના ખર્ચે હનીમૂન

રાજકોટમાં સૌપ્રથમ રેન્ટલ વેડિંગ વેરની શરૂઆત કરનાર ડોલીબેન બોઘાણી લોકોની માનસિકતાને બદલી બિઝનેશને આગળ વધવામાં સફળ રહ્યા

શ્રાધ્ધ મહિનો પૂર્ણ થતા બાદ હવે ગણતરીના દિવસોમાં લગ્નસરાની સીઝન શરૂ થઇ રહી છે, ત્યારે ફરી ગામે-ગામે અને શહેરોમાં ઢોલ ધ્રબુકતા થશે. બજારોમાં લગ્નની ખરીદી પૂરબહારમાં નીકળશે, પરંતુ હવે થોડો ટ્રેન્ડ બદલાયો છે. આજકાલ મોંઘવારીના સમયમાં લગ્નના વિવિધ પ્રસંગ દીઠ મોંઘી સાડી, ચણિયાચોળી, શેરવાની, સૂટ,જોધપુરી કે ઇન્ડો વેસ્ટર્ન વગેરે પાછળ લાખનો રૂપિયાનો ખર્ચ કરવા કરતાં હવે સમજદાર દુલ્હન-દુલ્હા અને પરિવારના સભ્યો લગ્નમાં તથા અન્ય રીસેપ્શન, મહેંદી,સંગીત સંધ્યા જેવા પ્રસંગોમાં ભાડાં પર પોષાક લેતા થયા છે. છેલ્લા ઘણા વર્ષથી આ ચલણ રાજકોટમાં ખૂબ વધ્યું છે.ફેશનના જમાનામાં પાછા આજના દુલ્હા-દુલ્હન આ કપડાં એક વખત પોતાના લગ્નમાં પર્હેયા બાદ બીજા કોઇ પ્રસંગમાં પહેરવાનું પસંદ નથી કરતા, તેથી હજારોનો ખર્ચ માથે પડે છે. ખરીદેલાં કપડાં ઘરમાં મહેમાન બની બસ રહી જાય છે, તેથી આજકાલ દુલ્હા-દુલ્હન મોંઘાં પોષાક ખરીદવા કરતાં ભાડે લેતા થયા છે, જેનાથી પ્રસંગ પણ સચવાઇ રહે અને તેટલા રૂપિયામાં હનીમુન પણ માણી શકાય તેમજ બીજા કામની વસ્તુ કે અન્ય જગ્યાએ ખર્ચ કરી શકાય, જે ખરેખર ઉપયોગી બની રહે.

રાજકોટમાં આશરે ૧૫ થી ૧૬ વર્ષ પૂર્વે હાઈ ફાઈ કલેક્શનના સંચાલક ડોલીબેન બોઘાણી અને તેમના પરિવારે આની શરૂઆત કરી હતી. રાજકોટમાં રેન્ટલ વેર ખાસ કરીને વેડિંગમાં રેન્ટલ વેર એ કન્સેપ્ટને રાજકોટમાં લવાનાર ડોલીબેન બોઘાણી વોઈસ ઓફ ડે સાથેની વાતચીતમાં જણાવ્યું કે તેમનો કપડાનો ફેમીલી બિઝનેશ છે લાખાજીરાજ રોડ ઉપર તેમની શોપ હતી ડોલીબેનના પતિએ વિદેશમાં ચાલતી આ રેન્ટલ વેડિંગ વેરનો અભ્યાસ કર્યા બાદ રાજકોટમાં તેની શરૂઆત કરી પ્રથમ કાલાવડ રોડ અને પંચનાથ તેમજ જાગનાથ પ્લોટમાં શોપ શરુ કરી સમગ્ર બિઝનેશનું સંચાલન ડોલીબેને પોતાના હાથમાં લીધું અને અનેક મહિલાઓને આ બિઝનેશ માં નોકરી આપી રોજગારી પણ પૂરી પાડી.ધીમે ધીમે રાજકોટમાં રેન્ટલ વેડિંગ વેરની ડીમાંડ વધી અને ડોલીબેને નિર્મલારોડ ઉપર પોતનું હાઈ ફાઈ કલેક્શન શો-રૂમ શરુ કર્યો હાલ અન્ય બ્રાંચ બંધ કરી માત્ર નિર્મલા રોડ ઉપરના શોરૂમ ખાતેથી વ્યવસાય સંભાળે છે.
છેલ્લા કેટલાક સમયથી શહેરમાં લગ્નો માં ચણીયા ચોલી ,શૂટ અને શેરવાની ભાડે લેવાનો ટ્રેન્ડ ચાલ્યો છે. જેના કારણે હવે લોકો તૈયાર ચણિયાચોળી લેવાનું ટાળતા હોય છે. કારણ કે લોકોને પોતાના બજેટમાં સારા એવા ચણિયાચોળી અને શૂટ ભાડે મળી જતા હોય છે.થોડા વરસો પહેલા લગ્ન નક્કી થાય એટલે તરતજ છોકરો હોય કે છોકરી તેઓ લગ્નના દિવસે શું પહેરશે તેની પસંદગી માં લાગી જતા હતા.તેઓ

દરજીને શેરવાની અને ચણીયા ચોળી સીવડાવવા આપી દેતા અને ક્યાં તો પછી ફેમિલી અથવા મિત્રો જોડે જઈને શોપિંગ કરી આવતા પરંતુ સમય ની સાથે સાથે ટ્રેન્ડ બદલાયો અને જે શેરવાની 6 મહીંના પહેલા સીવડાવવા માં આવતી હવે તે સીવડાવવાના બદલે લોકો ભાડે લેતા થઇ ગયા દુલ્હન ના કપડાથી માંડી ને તેની સાથે પહેરવાના ઘરેણા પણ હવે તો ભાડે મળે છે.અને લોકો પણ હવે ભાડે લેવાનું જ પસંદ કરે છે.લગ્નના વર અને વધુના કપડા ભાડે લેવા માટે 2000 રૂપિયાથી માંડી ને ૮000 સુધી માં મળી જાય છે.

રાજકોટમાં સૌ પ્રથમ રેન્ટલ વેડિંગ વેરની શરૂઆત ડોલીબેન બોઘાણી અને તેમના પરિવાર દ્વારા કરવામાં આવી.ડોલીબેન વધુમાં જણાવ્યું કે છેલ્લા કેટલાક સમયથી લગ્નમાં કપડાનો ટ્રેન્ડ બદલાયો છે કારણકે હવે લોકો કપડા સીવડાવવા કે તૈયાર લેવાના બદલે ભાડે લેવાનું વધુ પસંદ કરતાં હોય છે. જેના કારણે અત્યારે લગ્ન સિઝન દરમિયાન ભાડે કપડાં આપનાર નો ધંધો ખુબ જ સારો ચાલતો હોય છે. ભાડે કપડાં લેવાના મુખ્ય કારણોમાં કે એક તો કપડાં બજેટ માં આવી જાય છે.લોકો ને પસંદગી માટે અલગ અલગ ઓપ્શન છે.સાથે જ મેચિંગ મોઝડી અને પાઘડી પણ મળે છે. અમારે ત્યાં રેન્ટલ વેડિંગ વેરનું ભાડું દિવસમુજબ હોય છે ૪૮ કલાક માટે વેડિંગ વેર ભાડે આપવામાં આવે છે જેના માટેનું એડવાન્સ બુકિંગ કરાવવું પડે છે.

વર કે વધુ કપડા પસંદ કરે તેના પર ભાડું નક્કી થાય છે.જો બે દિવસ શેરવાની લેવાની હોય તો એ મુજબ ભાડું નક્કી થશે. દુલ્હન લગન માં ચણીયા ચોળી ખરીદવા જાવ કે તેયાર કરાવડાવો તેનો ખર્ચો જ મોંઘો પડી જાય છે. એક તો તેની શરૂઆત જ 5000 થી થાય છે.અને થોડા હેવી લો તો તેની કિંમત 10,000 રૂપિયા થી લઇ ને 80,000 સુધી પણ હોય છે. પરંતુ આ ચણીયા ચોળી માત્ર લગ્ન ના એક જ દિવસ પહેરવામાં આવે છે. જ્યારે તેને બીજીવાર કશે પહેરી શકાતા નથી કારણ કે તે ખુબજ હેવી હોય છે.અને તેને સાચવવા પણ અઘરા હોય છે,ઘણા લોકો લાખ લાખ રૂપિયાના ચણીયા ચોળી પણ કરાવડાવે છે. એ તો જેવો જેનો શોખ. આવા મોંઘા ચણીયા ચોળી દિવસના 2000 થી ૮000ના ભાડા માં જ મળી જતા હોય તો સારું જ છે. વળી તેની સાથે મેચિંગ જેવેલેરી પણ આપવામાં આવે છે. આ તમામ વસ્તુ એક જ જગ્યાએથી ઉપલબ્દ થાય છે અને હવે તો દુલ્હનના ઘરના અન્ય સભ્યો પણ કપડાં ભાડે જ લઈ લેતા હોય છે.લગ્ન ઉપરાંત સગાઈ,સંગીત સંધ્યા કે અન્ય કોઈ પ્રસંગમાં કપડા ભાડે લેવાનો ટ્રેન્ડ વધી રહ્યો છે.

લેટેસ્ટ ટ્રેન્ડ મુજબ વેડિંગ કલેક્શન અપડેટ થાય છે
આજના સમયમાં વિવિધ પ્રસંગોની યાદગીરી માટે ફોટોશૂટ કરવાનો ટ્રેન્ડ છે. પ્રિ વેડિંગ, લગ્ન પ્રસંગ જેવા પ્રસંગોમાં યુવાઓમાં ફોટોશૂટનું ઘણું ચલણ છે. આવા સમયે લોકોને નવું અને લેટેસ્ટ કલેક્શન મળી રહે તે માટે ડોલીબેન બોઘાણી દર ૬ મહીને પોતના રેન્ટલ વેડિંગ વેરમાં અપડેટ કરતા રહે છે અને બોલીવુડ કે કોઈ મોટી સેલિબ્રિટીના પ્રસંગમાં જે ટ્રેન્ડ મુજબનું કલેક્શન હોય તે મુજબના કપડા તૈયાર કરાવવામાં આવે છે ને જુનો સ્ટોક બદલી નવું કલેક્શન અપડેટ કરાય છે જેથી લોકોને લેટેસ્ટ વેડિંગ વેર ભાડે મળી રહે.