રાજકોટના ‘લાયન સફારી પાર્ક’માં એક સિંહને બે સિંહણ સાથે રખાશે !
૧૫ કરોડના ખર્ચે આકર્ષક ગેઈટ અને ૩.૭૧ કરોડના ખર્ચે ટકાટક રોડ બનાવાશે: આજે સ્ટેન્ડિંગ કમિટી દરખાસ્ત પર લેશે નિર્ણય
શરૂઆતમાં માત્ર એક સિંહ-બે સિંહણ જ આવશે, ત્યારબાદ જરૂરિયાત પ્રમાણે વધારો કરાશે: બેથી અઢી વર્ષે કામ થશે પૂર્ણ
રાજકોટના પ્રદ્યુમન પાર્ક ઝૂની બાજુમાં જ મહાપાલિકા દ્વારા સેન્ટ્રલ ઝૂ ઓથોરિટી-નવીદિલ્હીની મંજૂરી મળ્યા બાદ દેવળિયા પાર્ક જેવો
લાયન સફારી પાર્ક’ તૈયાર કરવામાં આવી રહ્યો છે. આ પાર્કની ફરતે ૨૦ કરોડના ખર્ચે કમ્પાઉન્ડ વોલનું ખાતમુર્હૂત કર્યા બાદ હવે ૧૫ કરોડના ખર્ચે આકર્ષક ગેઈટ અને ૩.૭૧ કરોડના ખર્ચે ટકાટક રોડ બનાવવાની દરખાસ્ત પર આજે સ્ટેન્ડિંગ કમિટી દ્વારા નિર્ણય લેવામાં આવશે. જાણવા મળેલી વિગતો પ્રમાણે લાયન સફારી પાર્કમાં એક સિંહને બે સિંહણ સાથે રાખવામાં આવશે. આ પછી જરૂરિયાત જણાશે તો તેમાં વધારો કરાશે.
આ અંગે સ્ટેન્ડિંગ કમિટી ચેરમેન જયમીન ઠાકરે જણાવ્યું કે લાયન સફારી પાર્કની અંદર આંતરિક ડામર રોડ કરવાના કામ માટે ટેન્ડર પ્રસિદ્ધ કરવામાં આવ્યા બાદ પવન ક્નસ્ટ્રક્શન કુ.એ રસ દાખવ્યો હતો. જો કે સ્પર્ધાત્મક ભાવ મળી રહે તે માટે રિ-ટેન્ડર કરાયું હતું જે પછી યુનિક બિલ્ડર્સ-ગોંડલ અને શ્રી રાજચામુંડા ક્નસ્ટ્રક્શન કું. રાજકોટે ટેન્ડર ભર્યું હતું. યુનિક બિલ્ડર્સ દ્વારા ૨૨.૫૦% ઓન' મતલબ કે ટેન્ડરની રકમ કરતાં ૨૨.૫૦% ભાવ વધારા સાથે ટેન્ડર ભર્યું હતું તો શ્રી રાજ ચામુંડા ક્નસ્ટ્રક્શને ૨૫.૨૦%
ઓન’ સાથે ટેન્ડર ભર્યું હતું. આ પછી બન્ને એજન્સી ક્વોલિફાય થતાં ઓનલાઈન પ્રાઈસબીડ ખોલવામાં આવી હતી જેમાં યુનિક બિલ્ડર્સે ૧૯.૯૭% `ઓન’ સાથે કામ કરવા તૈયારી દર્શાવતાં તેને કામ સોંપવું જોઈએ તેવી દરખાસ્ત આવી છે જેના પર આજે નિર્ણય લેવામાં આવશે.
આ ઉપરાંત સફારી પાર્કમાં ૧૫ કરોડના ખર્ચે એન્ટ્રી ગેઈટ મુકવામાં આવશે જે માટે શ્રીજીકૃપા પ્રોજેક્ટ-રાજકોટ અને મે.હરસિદ્ધિ ક્નસ્ટ્રક્શન-ગાંધીનગર પૈકી શ્રીજીકૃપાના ભાવ અન્ય એજન્સી કરતા ઓછા હોય તેને કામ આપવા દરખાસ્ત કરવામાં આવી છે.
જ્યારે સફારી પાર્કમાં લોકો ફરી શકે તે માટે પ્રદ્યુમન પાર્ક ઝૂની જેમ જ બેટરી સંચાલિત વાહન મુકવામાં આવશે અને આ પાર્કની ટિકિટનો દર પ્રદ્યુમન પાર્ક ઝૂ જેટલો જ રહે તેવી શક્યતા હાલ તેમણે વ્યક્ત કરી હતી.
આટલી સુવિધા હશે સફારી પાર્કમાં
૧ એન્ટ્રન્સ પ્લાઝા (એન્ટ્રી ગેઈટ)
૨ તમે અહીંયા છો'નું સાઈન બોર્ડ ૩
આઈ લવ લાયન સફારી પાર્ક’નું લખાણ
૪ એશિયાટિક લાયનનું સ્ક્લ્પચર
૫ ટિકિટબારી
૬ એડમિન ઓફિસ
૭ એશિયાટિક લાયનનું સ્ક્લ્પચર (મીક્સ મીડિયા)
૮ સિંહ પરિવારનું બ્રોન્ઝ સ્ક્લ્પચર
૯ ફ્લાવર બેડ
૧૦ ગઝેબો (ઓપન રેસ્ટરૂમ)
૧૧ બટરફ્લાય ફોટો પોઈન્ટ
૧૨ બેટ ફોટો પોઈન્ટ
૧૩ બ્રિજ સાથે વોટરબોડી
૧૪ ૨૩ પ્રાણી, ૧૫ પક્ષી સહિતના સ્કલ્પચર
૧૫ પાણી પીતા સિંહ પરિવારનું સ્કલ્પચર સાથે ફૂવારો
૧૬ ટોઈલેટ બ્લોક અને પીવાના પાણીની વ્યવસ્થા
૧૭ મુલાકાતીઓ માટેનો રૂમ
૧૮ બાળકોના રમવાનો વિસ્તાર
૧૯ પક્ષીના ઈંડાનો ફોટો પોઈન્ટ
૨૦
૨૧ લાયન પગમાર્ક
૨૨ મેઝ ગાર્ડન
૨૩
૨૪ ફૂડ કોર્ટ
૨૫ એક્ઝિટ ગેઈટ
૨૬ ઈલેક્ટ્રિક વ્હીકલ ચાર્જિંગ પોઈન્ટ
૨૭ પાર્કિંગ