વેપારીને હનીટ્રેપનો શિકાર બનાવી ગે શખ્સની ટોળકીએ રૂ.1.47 લાખ પડાવ્યા
કાવતરું રચી ફલેટે ચા પીવા બોલાવી ૩ શખ્સોએ રૂપિયા પડાવ્યા બાદ વધુ રકમ માટે ધમકી આપતા મામલો પોલીસમાં
રાજકોટમાં કોમ્પ્યુટર સ્ટેશનરીના જોબવર્કનું કામ કરતાં યુવાનને “ગે ટોળકી“ હનીટ્રેપનો શિકાર બનાવી રૂ.1.47 લાખ પડાવ્યા બાદ વધુ રકમ પડાવવા અને પોલીસ ફરિયાદ નહિ નોંધાવવા માટે કાવતરું રચી ધમકી આપવાનું શરૂ કરતાં અંતે મમલો પોલીસ માં પહોંચ્યો હતો અને માલવીયાનગર પોલીસે આ મામલે ત્રણ શખ્સો સામે ગુનો નોંધ્યો હતો
રાજકોટના કોઠારીયા સોલ્વન્ટ પાસેના ઓમનગર સોસાયટીમાં રહેતો અને કોમ્પ્યુટર એસેસરીઝની દુકાનમાં નોકરી કરતા
અજય ભગવાનજીભાઈ ચૌહાણ (ઉ.વ.32)ની ઓળખાણ ઓન લાઇન એપ્લિકેશન ડેવલપના ધંધા સાથે સંકળાયેલા ભાર્ગવ નામના શખ્સ સાથે થઈ હતી. પરંતુ થોડા સમય પૂર્વે ગુરુપ્રસાદ ચોકમાં અજય અને ભાર્ગવ મળ્યા હતા ત્યારે ભાર્ગવે ચા-પાણી પીવા માટે નજીકમાં જ તેનો ફ્લેટ હોય અંકુરનગર મેઇન રોડ પર આવેલા સીટી સિલ્વર એપાર્ટમેન્ટમાં ચોથા માળે બ્લોક નંબર 405માં લઈ ગયો હતો. ત્યાં બંને બેસીને બંને ચર્ચા કરતા હતા ત્યારે ભાર્ગવની શરીરના ભાગે સ્પર્શ કરવાની આદતથી અજયને શંકા જતાં તે ત્યાંથી બહાર જવાની તૈયારીમાં હતો ત્યારે ચિરાગ નામનો શખ્સ ત્યાં ધસી આવ્યો હતો અને તેણે અજય અને ભાર્ગવ બંનેને જોઇ તમે બંને ખોટા કામ કરો છો, ત્યારે અજય પોતે કંઈ ખોટા કામ કરતો ન હોવાનું જણાવી ચાલતી પકડી હતી. છરી બતાવી વિડીયો ઉતારી લીધો હતો. અને કોઈને ફોન કર્યો હતો ચિરાગ નામના શખ્સે 3 લાખ માગ્યા હતા. અજયના ખીસ્સામાં રહેલી રોકડ રકમ રૂપિયા ૨૫૦૦ કાઢી લીધી હતી. એટલું જ નહીં મોબાઇલમાં ઓનલાઇન કેટલી પડી છે તેમ પૂછતા તેમના એકાઉન્ટમાં 1500 અને માતાના એકાઉન્ટમાં 16000 રકમ પડી હોય તે અજયના ખાતામાં ટ્રાન્સફર કરાવી બાદમાં અજયના ત્રણ એટીએમ કાર્ડ પડાવી અને પીનકોડ શું છે તેમ કહી એટીએમ કાર્ડ લઇ રૂમને બહારથી બંધ કરી ચાલ્યો ગયો હતો અને રૂ.130૩6 ઉપાડી લીધા હતા. થોડીવાર બાદ આ બંને શખ્સોની સાથે ત્રીજો શખ્સ જયદીપસિંહ જાડેજા આવી ચડ્યો હતો. તેણે સમાધાન માટે રૂ.૧.૫૦ લાખ માગ્યા હતા. જીવનું જોખમ જણાતા અજયે કટકે કટકે રકમ આપવાનું કહ્યું હતું અને બાદમાં જયદીપસિંહ જાડેજાએ સહિતનાઓએ વિડિયો વાયરલ કરવાની ધમકી આપી કટકે કટકે રૂ.૧.૪૭ લાખ પડાવી લીધા હતા.
આ ગે ગેંગની ટોળકીએ અજય પાસે વધુ રકમ પડાવવા અવાર નવાર ધમકી આપતા હોય પિતરાઇ ભાઈને વાત કરી મલવીયાનગર પોલીસમાં અરજી કરી હતી ત્યારે જયદીપસિંહે ફરિયાદ પછી ખેચી લેવા ધમકી આપી હતી.અંતે આ બનાવમાં ગે ગેંગ સામે પોલીસે અજયની ફરિયાદ પરથી ગુનો દાખલ કરી તમામને ઝડપી લેવા તપાસ શરૂ કરી છે.
ગે “શખ્સની ટોળકીએ પોલીસને પણ ધમકી આપી
અજય ચૌહાણને બ્લેકમેલ કરી રૂ.૧.૪૭ લાખ પડાવનાર “ગે “શખ્સની ટોળકી સામે પોલીસમાં અરજી થઈ હોય પોલીસે આ ટોળકીના સાગરીત જયદીપસિંહને ફોન કરતાં ગે ગેંગના સાગરીત જયદીપે પોલીસ મથકે આવવાની ના પાડી દઈ ફરિયાદ દાખલ કરશો તો પાંચ લાખની લાંચના ગુનામાં ફિટ કરી દેવાની પોલીસને ધમકી આપી હતી.