લ્યો બોલો… 90 ટકા યુવાનોને લગ્નનો લાડવો નથી ખાવો..!!

કારણ તો કે….આઝાદી છીનવાઈ,જવાબદારીની જંજાળ વધે…:76 ટકા યુવાનોએ જવાબ આપ્યો લગ્નથી ડર લાગે છે..

90% યુવાનોને લગ્નથી ડર લાગે છે એટલા માટે જવાબદારીની ઝંઝાળમાં પડવા માગતા નથી. મનોવિજ્ઞાન ભવન ની ટીમે કરેલા સર્વેમાં વડીલોની આંખ ખોલી નાખે તેવો સર્વે આવ્યો છે. સમાજમાં એક તરફ છૂટાછેડા નું પ્રમાણ વધી રહ્યું છે તો બીજી તરફ આજનો યુવા વર્ગ સંસાર માંડવાની જવાબદારી થી દૂર જઈ રહ્યો છે

આજકાલ ઘણા  વડીલોના મોઢે સાંભળવા મળે છે કે એવા છોકરા છોકરીની સંખ્યા ઓછી થવા માંડી છે જે લગ્ન જીવનમાં યોગ્ય સમયે જોડાય છે અથવા યોગ્ય સમયે લગ્ન કરે છે.વિવિધ પ્રકારના મેટ્રોમોનિયલ માં પણ આ સમસ્યા જોવા મળે છે. લગ્ન ન કરવા અને લગ્ન વિશેનો ભય બન્ને અલગ બાબત છે. કોઈ યોગ્ય અને ચોક્કસ કારણથી વ્યક્તિ લગ્નથી દૂર રહે એ વાત અલગ છે પણ ખોટા બહાના અને બન્ને તરફી વધુ અપેક્ષાઓ ગેમોફોબિયા તરફ લઈ જાય છે. 

દુમાદિયા પૂજા અને રાઠોડ નેન્સી મહર્ષિ અરવિંદ મનોવિજ્ઞાન ભવનમાં અભ્યાસ કરતા વિદ્યાર્થીઓ છે જેમણે અધ્યાપક ડૉ. ધારા આર. દોશીના માર્ગદર્શક હેઠળ એક સર્વે કર્યો છે.

ગેમોફોબિયા વિશે 1242 લોકોનો સર્વે
-90.10% એ કહ્યું કે આજના યુવાનો લગ્ન ન કરવા ના અથવા મોડા લગ્ન કરવાના વિચારો ધરાવે છે.
– 67.80% એ કહ્યું કે આજના યુવાનો લગ્નની જવાબદારી લેવા માગતા નથી.
-63.60% એ કહ્યું કે લગ્ન વ્યક્તિને લક્ષ્ય પ્રાપ્તિ માટે અડચણરૂપ બને છે.
– 70.20% યુવાનો એવું માને છે કે લગ્ન કરવાથી તેને ફ્રીડમમાં અવરોધ આવશે.
– 68.20%  કહ્યું કે કેરિયરમાં વ્યસ્ત થતા જાય છે કે લગ્ન જેવા સામાજિક રિવાજને નકારે છે.
– 74.40% યુવાનો અન્ય ના અનુભવને કારણે લગ્ન કરવાનું ટાળે છે.
– 75.60% લોકોએ કહ્યું કે મનપસંદ પાત્ર ન મળવાને કારણે પણ યુવાનો લગ્ન કરવાનો ટાળે છે.
– 74.40% એ કહ્યું કે આર્થિક રીતે સમસ્યા ઉદ્ભવતી હોવાથી પણ લગ્ન નથી કરતા.
-75.60% માને છે કે માતા-પિતાનું અસફળ લગ્નજીવન


લગ્નથી દૂર ભાગવા માટે 10 પરિબળો જવાબદાર હોઈ શકે
1) ફોન
2 ) જવાબદારીની બીક
3 ) પશ્ચિમના દેશોની દેખાદેખી
4 ) બોલીવુડ
5 ) વધારે પડતી અપેક્ષા
6 ) કેરિયર
7) પોતાનો પ્રેમ ન મળવો
8) કડવા અનુભવો
9) એક વખત છૂટાછેડા થયા પછી લગ્નનો ભય
10) વિશ્વાસપાત્ર વ્યક્તિનો અભાવ