સંત કબીર રોડ પર ઇમિટેશન માર્કેટમાં ૩ દુકાનમાંથી ૯.૫૦ લાખની ચોરી
- ત્રણ બુકાનીધારી સહિત ચાર શખ્સોCCTVમાં કેદ: ડેનિશા સેલ્સમાં રૂપિયા ૭ લાખ,
- મિતલ સેલ્સમાં રૂપિયા ૧.૫૦ લાખ અને ગણપતિ સેલ્સમાંથી રૂપિયા ૧ લાખની ચોરી
રાજકોટમાં ઠંડી વધતાં પોલીસનું પેટ્રોલીંગ ધીમું પડતાં ચોરીના બનાવો વધ્યા છે. રાજકોટમાં છેલ્લા ૧૫ દિવસથી ચોરીના બનાવો બની રહ્યા છે. ચોરીને અંજામ આપી પોલીસને તસ્કરો જાણે પડકાર ફેંકતા હોય તેમ સંત કબીર રોડ પર ઇમિટેશન માર્કેટમાં આવેલ ગાયત્રી કોમ્પ્લેક્ષમાં આવેલ ત્રણ દુકાન માં રૂ.૯.૫૦ લાખની ચોરી કરી ત્રણ બુકાનીધારીએ સહિત ચાર શખ્સો ફરાર થઈ ગયા હતા. આ તસ્કર ટોળકી સીસીટીવીમાં કેદ થઈ ગઈ હતી. જેના આધારે બુકાનીધારીને પકડવા પોલીસે ચક્રો ગતિમાન કર્યા હતાં. સંતકબીર રોડ પર આવેલ ઇમિટેશન માર્કેટમાં ગાયત્રી કોમ્પ્લેક્ષમાં ડેનિશા સેલ્સના માલિક ગૌતમભાઈ અરવિદભાઈ મહેતા, મિતલ સેલ્સના માલિક વિપુલભાઈ મૂળજીભાઈ તળપદા અને ગણપતિ સેલ્સના માલિક ભરત દેવરામ પ્રજાપતિ દુકાનને નિશાન બનાવી હતી. તસ્કરો ડેનિશા સેલ્સ માંથી રૂ.૭ લાખ, મિતલ જવેલર્સ માંથી રૂ.૧.૫૦ લાખ અને ગણપતિ સેલ્સ માંથી રૂ.૧ લાખની રોકડ ચોરી ગયા હતા. દુકાનના માલિક સવારે જ્યારે દુકાને આવી દુકાન ખોલી જોતાં ટેબલના ડ્રોવરમાં સમાન વેરવિખેર પડેલ જોવા મળતાં ચોરીની જાણ થઈ હતી.
બનાવ અંગે પોલીસને જાણ કરતાં બી. ડિવિઝન પોલીસ મથકના પીઆઈ આર.જી.બારોટ ટીમ સાથે દોડી આવ્યા હતાં.
તેમજ ડીસીપી ક્રાઇમ પાર્થરાજસિહ ગોહિલ, ડીસીપી ઝોન-૨ સજ્જનસિહ પરમાર, એસીપી ક્રાઇમ ભરત બસિયા ક્રાઇમ બ્રાંચના પીએસઆઈ એ. એન પરમાર સહિતનો પોલીસ સ્ટાફ ઘટનાસ્થળે દોડી ગયો હતો અને વેપારીની ફરિયાદ નોંધી સીસીટીવી ફુટેજ ચેક કરતાં ત્રણ બુકાનીધારી શખ્સો અને એક શખ્સ કોમ્પલેક્ષ બહાર ચોકીદારી કરતો કેદ થયો હતો જેના આધારે તપાસનો ધમધમાટ આદર્યો હતો.
બુકનીધારી કોમ્પ્લેક્ષની પાછળ આવેલ નવી બાંધકામ સાઈટ પરથી કોમ્પ્લેક્ષના છત પર ચડી બારી તોડી અંદર પ્રવેશી ચોરીને અંજામ આપ્યો હોવાનું પ્રાથમિક તપાસમાં બહાર આવ્યું હતું. સીસીટીવી ફુટેજમાં કેદ ત્રણ બુકનીધારી સહિતના ચારેય શખ્સોને પકડી લેવા બી-ડિવિઝન એન ક્રાઇમ બ્રાંચ તેમજ એલસીબીની અલગ અલગ ટીમો બનાવી શોધખોળ હાથ ધરી છે.
કોમ્પ્લેક્સ પાછળની બાંધકામની સાઇટમાંથી તસ્કરોએ પ્રવેશ કરી ચોરીને અંજામ આપ્યો
સંત કબીર રોડ પર આવેલ શ્રી ગાયત્રી કોમ્પ્લેક્સની બિલ્ડીંગને અડીને જ નવી બનતી બિલ્ડિગની કોન્સ્ટ્રક્શન સાઈટ પર રાત્રીના કોઈ ગાર્ડ ન હોવાથી તસ્કરો દ્વારા પ્રથમ ત્યાં રેકી કરી અને ત્યાંથી પ્રવેશ મેળવી ચોરીને અંજામ આપવામાં આવ્યો હતો.ચોરી કરવામાં આવી રહી હતી ત્યારે એક તસ્કર આ બાંધકામની સાઈટ નઝર રાખી રહ્યો હતો.જે સીસીટીવી ફૂટેજમાં કેદ થઈ ગયો હતો.હાલ આ ચોરીને અંજામ આપનાર તસ્કરો જાણભેદુ હોવાની શંકાએ ક્રાઈમ બ્રાન્ચ અને બી ડિવિઝન પોલીસ દ્વારા તપાસ હાથધરી છે.
સોની વેપારીનું ૧.૨૦ લાખનું સોનું લઇ કારીગર ફરાર
રાજકોટ: રાજકોટના સોની વેપારીનું રૂ.૧.૨૦ લાખનું સોનું લઈ કારીગર ફરાર થઈ જતાં પોલીસ ફરિયાદ નોંધાઈ છે. મૂળ નેપાળના અને હાલ રાજકોટના ખુદીરામ બોઝ ટાઉનશીપ બીલ્ડીંગ-ઈ ફ્લેટ નં-૨૪માં રહેતા મહેશભાઈ વિરેનભાઈ તામ્રકર(ઉ.૫૫)ને ત્યાં ડાયમંડ સેટીંગ કરતો શાંતુ ૨૫ ગ્રામ જેટલી સોનાની બુટી ૧૮ કેરેટની જેની આશરે રૂ.૧.૨૦ લાખ લઈ ભાગી જાતે તેના વિરુદ્ધ ઉચાપત અંગેની ફરિયાદ નોંધાઈ છે. મહેશભાઇ બોઘાણી શેરીમાં આવેલી યોગી ચેમ્બરમા ભાડેથી દુકાન રાખી પી.એ.ઓર્નામેન્ટ નામે ધંધો કરે છે. શાંતુ બારેક દિવસથી કામે આવતો હતો. શાંતુ બપોરના સમયે જમવા માટે ગયો હોય અને ત્યારબાદ જમીને પરત આવ્યો ત્યારે શાંતુને આ સોનાની બુટી ડાયમંડ સેટીંગ ના કામ માટે લેવા ૨૨૯ નંબરની દુકાનમાં બોલાવેલ અને તે બુટી શાંતુ ને આપેલ અને આ શાંતુ તે બુટી લઈ ને દુકાન નં-૨૨૮ મા જતો રહેલ બાદ રાતે શાંતુ પાસે કામ ચેક કરવા માટે જતા શાંતુ ગુમ હતો અને તપાસ કરતાં રૂ.૧.૨૦ લાખની કિમતની આશરે ૨૫ ગ્રામ બુટી જોવામાં નહિ મળતા એ ડિવિઝનમાં ફરિયાદ નોંધવી હતી.
