PGVCLના 7 ડેપ્યુટી, 3 જુનિયર ઇજનેરને બઢતી અપાઇ
રાજકોટ પીજીવીસીએલ દ્વારા વધુ એકવાર બઢતીના ઓર્ડર કરવામાં આવ્યા છે. ૭ ડેપ્યુટી ઇજનેરને એક્ઝિક્યુટિવ જ્યારે ૩ જુનિયર ઇજનેરને ડેપ્યુટી ઇજનેર તરીકે બઢતી આપવામાં આવી છે.
પીજીવીસીએલ દ્વારા અધિકારીઓ અને કર્મચારીઓની છેલ્લા એક માસથી બઢતી સાથે બદલીના ઓર્ડરો નીકળી રહ્યા છે. બુધવારે પણ વધુ ઓર્ડર કાઢવામાં આવ્યા હતા. જેમાં 7 ડેપ્યુટી ઇજનેરને એક્ઝિક્યુટિવ ઇજનેર તરીકે બઢતી આપવામાં આવી છે. જેમાં રાજકોટ એમટી લેબના આર.એલ. સરડવાને લીંબડી ડિવિઝન, ઉધ્યોગનગર સબ ડિવિઝનના બી.પી.રાડાને અમરેલી ડિવિઝન-1, ગાંધીધામ (અંજાર)ડિવિઝનના બી.એસ. શર્માને અમરેલી ડિવિઝન-2, જુનાગઢ રૂરલ-2ના કે.બી.પટેલને કેશોદ, સુરેન્દ્રનગર લેબના જે.આર. રતનુંને જામનગર સર્કલ, અમરેલી સર્કલના એચ.જી. નાગરને ગાંધીધામ અને ભેંસાણના ડેપ્યુટી ઇજનેર ડી.એમ. ચોચાની મહુવા કાર્યપક ઇજનેર તરીકે બઢતી આપવામાં આવી છે.
આ ઉપરાંત મેટોડા સબ ડિવિઝનના જુનિયર ઇજનેર કે.બી.કાપડીને અમરેલી, કેશોદના બી.એમ.ગરચરને સુરેન્દ્રનગર અને બોટાદ સર્કલ ઓફિસના કે.બી.ગરાસિયાને ભાવનગર ડેપ્યુટી ઇજનેર તરીકે બઢતી આપવામાં આવી છે.
