વડોદના ખેડૂતની દિકરી ધો.12માં સમગ્ર ગુજરાતમાં બીજા ક્રમે ઉતીર્ણ
અભ્યાસ પ્રત્યેની લગની અને સખત મહેનતથી શ્રેષ્ઠ પરિણામ મેળવ્યું
ધો.12 સામાન્ય પ્રવાહના જાહેર થયેલા પરિણામમાં ઝળહળતું રીઝલ્ટ મેળવી ભાવનગરનાં ઉમરાળા તાલુકાના વડોદ ગામની ખેડૂત પરિવારની દીકરીએ સમગ્ર ગુજરાતમાં બીજો નંબર મેળવ્યો છે. વિધાર્થિનીએ પ્રાથમિક શિક્ષણ મામાના ઘરે અને ઉચ્ચતર શિક્ષણ મોટાબાપુના ઘરે રહી મેળવ્યું હતું. આમ, માતા પિતાથી દૂર રહીને અભ્યાસ માટે સંઘર્ષ કરી સફળતા મેળવી હતી.
ઉમરાળાના વડોદ ગામની દિકરી અંજલીબા શક્તિસિંહ ગોહિલે પ્રાથમિક શિક્ષણ મામાના ગામ રોજીયા (તા. ધ્રોલ) ખાતે રહી મેળવ્યું જયારે ઉચ્ચ શિક્ષણ માટે ભાવનગર મોટાબાપુના ઘરે રહી સ્વામિનારાયણ ગુરુકુળ નિર્ભય સોસાયટીમાં અભ્યાસ પૂરો કર્યો હતો. તાજેતરમાં પરિણામ જાહેર થતાં ધો.12 સામાન્ય પ્રવાહમાં સમગ્ર ગુજરાતમાં બીજા નંબરે ઉતીર્ણ થયેલ. તેમના માતા નયનાબા ગૃહિણી છે. અને માતા પિતા બંને એ માત્ર પ્રાથમિક શિક્ષણ લીધેલું છે પરંતુ અભ્યાસ પ્રત્યેની લગની અને સખત મહેનતથી અંજલીબા એ સમગ્ર ગુજરાતમાં બીજો ક્રમ મેળવી ઉદાહરણ પૂરું પાડયું હતું.