વડાપ્રધાનના કાર્યક્રમમાં કોઈ કચાશ ન રહે તે જોજો…: હર્ષ સંઘવી

રવિવારે વડાપ્રધાન નરેન્દ્રભાઈ મોદી રાજકોટમાં છે અને એઈમ્સના લોકાર્પણ ઉપરાંત રોડ-શો અને જાહેરસભાનું આયોજન કરવામાં આવ્યું છે. આ કાર્યક્રમની સમિક્ષા કરવા માટે રાજકોટ આવેલા ગ્રુહ રાજ્યમંત્રી હર્ષ સંઘવીએ સ્થાનિક નેતાગીરી સાથે બેઠક યોજી હતી. આ બેઠકમાં રાજ્યના કેબીનેટ મંત્રી ભાનુબેન બાબરિયા, રાજ્યસભાના સભ્ય રામભાઈ મોકરિયા, સંસદ સભ્ય મોહનભાઈ કુંડારિયા, ધારાસભ્ય ઉદય કાનગડ, ડો. દર્શીતાબેન શાહ, મેયર નયનાબેન પેઢડીયા, ભાજપના ઉપપ્રમુખ ભરતભાઈ બોઘરા, પ્રવક્તા રાજુભાઈ ધ્રુવ વગેરે ઉપસ્થિત રહ્યા હતા. ગૃહમંત્રી હર્ષ સંઘવીએ આ કાર્યક્રમમાં કોઈ પ્રકારની કચાશ ન રહે તે જોવા જણાવ્યું હતું. આ બેઠકમાં ભાગ લેવા માટે હર્ષ સંઘવી મેયર બંગલે પહોચ્યા ત્યારે એક કલાકારે તેમનું એક રેખા ચિત્ર ભેટમાં આપ્યું હતું.