પોલીસ મથકમાં જ PI-કોન્સ્ટેબલ વચ્ચે જામી પડી !
તું તું મેં મેંનો અવાજ બહાર આવતાં જ સ્ટાફમાં સોપો: પસંદગીની જગ્યાએ મુકવા કોન્સ્ટેબલે ત્રણેક વખત ભલામણ' કરી છતાંમાન’ ન રહ્યું
પીઆઈએ તુંકારો' આપતાં જ સમસમી ગયેલા કોન્સ્ટેબલે વળતોતુંકારો’ આપી વટક વાળતાં પીઆઈ પણ ચોંકી ઉઠ્યા !
પોલીસને ડિસિપ્લીન ફોર્સ મતલબ કે શિસ્તનું ચુસ્ત આગ્રહી ગણવામાં આવે છે. ઉચ્ચ અધિકારી સામે જે પ્રકારે જવાનો સેલ્યુટ કરે છે તે દૃશ્ય જોઈને શિસ્તના ભારોભાર વખાણ પણ થઈ રહ્યા હોય છે. જો કે ક્યારેક ક્યારેક એવા બનાવ બની જતાં હોય છે જે ફોર્સની ડિસીપ્લીન ઉપર સવાલ ઉપસ્થિત કર્યા વગર રહેતા નથી. આવું જ કંઈક નગરની વચ્ચોવચ્ચ આવેલા એક પોલીસ મથકમાં બન્યું હોવાની ચર્ચાએ જોર પકડ્યું છે.
ચર્ચાતી વિગતો પ્રમાણે શહેરની વચ્ચોવચ્ચ આવેલા પોલીસ મથકમાં એક કોન્સ્ટેબલ ફરજ બજાવી રહ્યા છે જેના દ્વારા પીઆઈને પસંદગીની જગ્યાએ પોતાને મુકવા માટે ત્રણેક વખત ભલામણ કરવામાં આવી હતી. જો કે પીઆઈ કોન્સ્ટેબલની બદલી કરવા ઈચ્છુક ન હોવાને કારણે દર વખતે ભલામણ સાંભળી લેતા હતા પરંતુ કાર્યવાહી કરતા ન્હોતા. પોતે આટઆટલી ભલામણ કરી હોવા છતાં માન' રહેતું ન હોવાથી કોન્સ્ટેબલ આ વખતે તોનિર્ણય લઈ જ લેવો છે’ તેવી ગણતરી સાથે પીઆઈની ચેમ્બરમાં ગયા હતા.
પ્રારંભે શાંતિપૂર્વક ભલામણ કરી હતી પરંતુ પીઆઈ દ્વારા ભૂલમાં ગણો તો ભૂલમાં અને જાણીજોઈને ગણો તો જાણીજોઈને કોન્સ્ટેબલને તુંકારો આપી દેવામાં આવતાં મામલો બીચક્યો હતો. આ પછી સમસમી ઉઠેલા કોન્સ્ટેબલે પણ સ્વમાન ઘવાયું હોવાનું માનીને વટક વાળતાં પીઆઈને તુંકારો આપી દેવાતાં પીઆઈ પણ હક્કાબક્કા રહી ગયા હતા. જો કે સ્થિતિનો તાગ મેળવી પીઆઈએ આગળ વધવાનું મુનાસીબ ન માની મૌન સેવી લેતાં કોન્સ્ટેબલ પણ ચેમ્બરમાંથી બહાર નીકળી જતાં મામલો બીચક્તાં સ્હેજમાં અટકી ગયો હોવાનું જાણવા મળી રહ્યું છે. એકંદરે ચેમ્બરની અંદર પીઆઈ-કોન્સ્ટેબલ વચ્ચે તું તુંકારે વાત થયાનું અને જામી પડી હોવાનું બહાર આવતાં જ પોલીસ મથકના સ્ટાફમાં પણ સોપો પડી ગયો છે.
