દારૂ સાથે પકડાયેલા મિત્રને છોડાવવા પોલીસ પુત્રની ચોકીમાં ધમાલ

બે શખ્સો સામે ફરજમાં રૂકાવટ નો ગુનો નોંધાયો

રાજકોટના પ્ર.નગર પોલીસ મથકના એ.એસ.આઈ એ.આર. વરૂ સાથે પોલીસ પુત્ર  ધવલ દિનેશભાઈ સોસા અને તેનો મિત્ર પ્રતીપાલસિંહ સજુભા ગોહીલે માથાકૂટ કરી ફરજમાં રૂકાવટ કરતા બન્ને સામે પોલીસ ફરીયાદ નોંધાવી છે.પોલીસ સ્ટાફ ખાનગી વાહનમાં જકેશન ચોકી વિસ્તાર માં પેટ્રોલીંગમાં હતા તે દરમ્યાન આસ્થા ચોક નજીક ભગવતી ચોક પાસે નંબર પ્લેટ વગરની કાળા કાચ વાળી કાર ઉભી હોય તેને ચેક કરતા  વિદેશીની દારુની બોટલ મળી આવેલ હોય જેથી પ્રતીપાલસિંહ ને લઈ જંકશન ચોકી પર લાવ્યા ત્યારે  અને થોડી બાદ ત્યાં ધવલ સોસા નામનો શખ્સ જંકશન પો.ચોકીના દરવાજા પાસે આવેલ અને પ્રતીપાલસિંહને કેમ ચોકી એ લાવેલ છો કહી બોલાચાલી કરી ધમાલ મચાવી હતી અને પોલીસની ફરજમાં રૃકાવટ કરી હતી જેથી પોલીસ દ્વારા બંને સામે ફરજ રૂકાવટનો ગુનો નોંધી કાયદેસરની કાર્યવાહી હાથધરી હતી.