કિશાનપરા ચોકમાં આદમી પાર્ટીની વિદ્યાર્થી પાંખના કાર્યકરોની ટીંગાટોળી

અમદાવાદની ગુજરાત યુનિવર્સિટીમાંથી ગાંજાના છોડવા મળી આવતા આ મામલે આદમી પાર્ટીની વિદ્યાર્થી પાંખ છાત્ર યુવા સંઘર્ષ સમિતિ સીવાયએસએસ દ્વારા કિશાનપરા ચોક ખાતે પ્લેકાર્ડ સાથે સુત્રોચ્ચાર કરીને વિરોધ પ્રદર્શન કરવામા આવ્યું હતું. આ દરમિયાન પોલીસે આપના કાર્યકરોની ટીંગાટોળી કરીને અટકાયત કરી હતી. રાજ્યની અન્ય યુનિવર્સિટી કોલેજમાં કડક ચેકીંગ કરવામા આવે, જેથી વિદ્યાર્થીઓમાં આ પ્રકારનું દુષણ ફેલાતુ અટકાવી શકાય, તેવી સીવાયએસએસ પ્રદેશ ઉપપ્રમુખ સુરજ બગડા સહિતના વિદ્યાર્થી આગેવાનો દ્વારા માંગ કરવામાં આવી હતી.