મોરોકકોમા ભયાનક ભૂકંપનો મૃત્યુ આંક 1000 સુધી પહોંચી ગયો
સેંકડો ઘાયલ,અનેક ઇમારતો જમીનદોસ્ત, મૃત્યુઆંક વધી શકે છે
મોરક્કોમાં 6.8ની તીવ્રતાનો ભયાનક ભૂકંપ આવ્યો હતો, આ ભૂકંપના કારણે ઓછામાં ઓછા 1000 લોકોના મોત થયા હતા . જ્યારે 329થી વધુ લોકો ઘાયલ થયા હતા.ચારેકોર તબાહીના દ્રશ્યો દેખાઈ રહ્યા છે.
આ ભયાનક ભૂકંપમાં અનેક ઇમારતો જમીનદોસ્ત થઈ ગઈ છે અને સેંકડો લોકોને બહાર કાઢવામાં આવ્યા હતા અને મૃત્યુઆંક વધી શકે છે તેવી ભીતિ પણ વ્યક્ત થઈ છે.
રાહત અને બચાવકાર્યની કામગીરી ચાલુ કરી દેવાઈ હતી . મંત્રાલયે કહ્યું કે મોટા ભાગનું નુકસાન શહેરો અને નગરોની બહાર થયું છે. મોરોક્કોમાં આવેલ પ્રચંડ ભૂકંપના કારણે ઐતિહાસિક શહેર મારકેશથી એટલાસ પર્વતમાળાના ગામો સુધીની ઇમારતોને નુકસાન થયું હતું.
ભારતીય સમય અનુસાર વહેલી સવારે 3.41 વાગ્યાની આસપાસ આ ભૂકંપ આવ્યો હતો. આ 120 વર્ષોમાં ઉત્તરી આફ્રિકામાં સૌથી શક્તિશાળી ભૂકંપ છે. સત્તાવાર અહેવાલમાં જણાવ્યુ હતું કે વર્ષ 1900 બાદ આ એરિયાના 500 કિમી ક્ષેત્રમાં કોઈપણ એમ 6 લેવલ અથવા તેનાથી મોટો ભૂકંપ આવ્યો નથી. અહી એમ 5 લેવલનો ભૂકંપ જ નોંધાયો છે. મારાકેશ શહેરના એક રહેવાસીએ જણાવ્યુ હતું કે ભૂકંપના કારણે અનેક ઈમારત ધરાશાયી થઈ છે. હાલ વિનાશક ભૂકંપને કારણે લોકમાં ભયનો માહોલ છે. આ ભયાનક ભૂકંપની તસવીર અને વીડિયો સામે આવી રહ્યા છે.