370 કલમ નાબૂદી વિરુદ્ધધની અરજીઓ પર ચુકાદો અનામત રાખતી સુપ્રીમ કોર્ટ
આજે 16 દિવસ બાદ સુનાવણીની પ્રક્રિયા પૂરી થઈ
જમ્મુ -કાશ્મીરમાં કલમ-370 હટાવવાના પગલાંનો વિરોધ કરતી અરજીઓ પર સુપ્રીમ કોર્ટમાં ચાલી રહેલી સુનવણી પૂર્ણ થઈ ગઈ છે. સુપ્રીમ કોર્ટે પોતાનો નિર્ણય અનામત રાખ્યો છે.
જમ્મુ-કાશ્મીરમાંથી કલમ-370 હટાવવાના નિર્ણયને સુપ્રીમ કોર્ટમાં પડકારતી અરજીઓ પર છેલ્લા ઘણા દિવસોથી સુનાવણી ચાલી રહી હતી.
સુપ્રીમ કોર્ટે આજે જમ્મુ અને કાશ્મીર રાજ્યને વિશેષ દરજ્જો આપનાર બંધારણનો કલમ-370ના નાબૂદી ને પડકારતી અરજીઓની બેચ પર પોતાનો ચુકાદો અનામત રાખ્યો હતો. સુપ્રીમ કોર્ટની પાંચ જજોની બેન્ચે 16 દિવસની મેરેથોન સુનાવણી બાદ પોતાનો આદેશ અનામત રાખ્યો હતો.
ઓગસ્ટથી ભારતના ચીફ જસ્ટિસ ડીવાય ચંદ્રચુડ અને જસ્ટિસ સંજય કિશન કૌલ, સંજીવ ખન્ના, બીઆર ગવઈ અને સૂર્યકાંતની બેંચે કલમ-370 નાબૂદ કરવાના કેન્દ્ર સરકારના 2019ના નિર્ણયને પડકારતી અરજીઓની પર સુનાવણી કરી હતી.
ભારતના બંધારણના ભાગ –21માં કલમ 370નો ઉલ્લેખ કરવામા આવ્યો છે. આ કલમમાં કરવામાં આવેલી જોગવાઈ મુજબ, જમ્મુ અને કાશ્મીરને વિશેષ રાજ્યનો દરજ્જો આપવામાં આવ્યો હતો.
વિશેષ રાજ્યનો દરજ્જો હતો, જેના કારણે જમ્મુ કાશ્મીર રાજ્ય સરકાર પોતાના માટે અલગથી કાયદાઓ બનાવી શકતી અને ભારત સરકારે બનાવેલા કાયદાઓ પોતાના રાજ્યમા લાગુ ન કરવાની પણ સત્તા ધરાવતી હતી. જોકે હાલ, જમ્મુ કાશ્મીરમાંથી કલમ 370ને હટાવી દેવાઈ છે અને જમ્મુ કાશ્મીરને કેન્દ્ર શાસિત પ્રદેશનો દરજ્જો આપવામાં આવેલો છે.