વડાપ્રધાન મોદીએ નામાંકન પહેલા મા ગંગાની આરતી કરી આશીર્વાદ મેળવ્યા
વડાપ્રધાન નરેન્દ્ર મોદી આજે વારાણસી લોકસભા સીટ પરથી ઉમેદવારી પત્ર ભરશે. નોમિનેશન પહેલા વડાપ્રધાન નરેન્દ્ર મોદીએ વારાણસીના દશાશ્વમેધ ઘાટ પર પહોંચીને પ્રાર્થના કરી હતી. તમને જણાવી દઈએ કે પીએમ મોદીએ વર્ષ 2014 અને 2019માં વારાણસી લોકસભા સીટ પરથી લોકસભા ચૂંટણી જીતી હતી અને આ વખતે તેઓ ત્રીજી વખત અહીંથી ચૂંટણી લડવાના છે. લોકસભા ચૂંટણીના સાતમા તબક્કા હેઠળ વારાણસીમાં 1 જૂને મતદાન થશે.
PM મોદી પુષ્ય નક્ષત્રમાં ઉમેદવારી પત્ર ભરશે
ગંગા સપ્તમીના અવસરે દશાશ્વમેધ ઘાટ પર માતા ગંગાની પૂજા કર્યા બાદ પીએમ મોદી ક્રુઝમાં બેસીને નમો ઘાટ પહોંચ્યા હતા. ત્યાંથી રોડ માર્ગે કાલ ભૈરવ મંદિર જવા નીકળ્યા. PM ગંગા સપ્તમી સાથે પુષ્ય નક્ષત્રમાં ઉમેદવારી પત્ર ભરશે.
PM મોદીના નામાંકન (વારાણસી લોકસભા સીટ નોમિનેશન) સમયે તેમની સાથે 18 થી વધુ કેબિનેટ મંત્રીઓ હાજર રહેશે. PM મોદીએ સોમવારે સાંજે તેમના સંસદીય ક્ષેત્ર વારાણસીમાં મદન મોહન માલવિયાની પ્રતિમાને પુષ્પાંજલિ કર્યા બાદ રોડ શો પણ કર્યો હતો. આ છ કિલોમીટર લાંબા રોડ શો દરમિયાન લોકોએ ફૂલોની વર્ષા કરીને તેમનું સ્વાગત કર્યું હતું. પીએમ મોદીએ અઢી કલાક સુધી ચાલેલા લગભગ છ કિલોમીટર લાંબા રોડ શોના સમાપન બાદ પીએમ મોદી કાશી વિશ્વનાથ ધામ મંદિર પહોંચ્યા હતા.
કેન્દ્રીય ગૃહ પ્રધાન અમિત શાહ અને સંરક્ષણ પ્રધાન રાજનાથ સિંહ પણ નોમિનેશનમાં સામેલ થાય તેવી શક્યતા છે. એનડીએના મુખ્ય ઘટક, રાષ્ટ્રીય લોકદળના પ્રમુખ જયંત ચૌધરી, એલજેપીના વડા ચિરાગ પાસવાન, અપના દળ એસના પ્રમુખ અનુપ્રિયા પટેલ, સુભાસપ પ્રમુખ ઓમપ્રકાશ રાજભર અને નિષાદ પાર્ટીના રાષ્ટ્રીય અધ્યક્ષ ડૉ. સંજય નિષાદ વગેરે હાજર રહેશે.
